وفاقی وزیر محمد حنیف عباسی ءَ دیوان ءِ سروکی، ریلوے ءِ سرجمیں ورکشاپ ءُ یارڈز ءَ نوکیں سی سی ٹی وی کیمرہ ءِ ایر کنگ ءِ پنت ءُ شون

لاہور۔3اکتوبر  (اے پی پی): ریلوے ءِ وفاقی وزیر محمد حنیف عباسی ءَ پنت ءُ شون کتگ کہ سامان ءِ سر کنگ ءَ دیر کنوکیں جندی  وینڈرز زوت بلیک لسٹ کنگ بہ بیت ءُ نجی سیکورٹی ءِ ایر کنگ ءِ گوما درستیں ریلوے ورکشاپ ءُ صحن آنی تہ ءَ نوکیں سی سی ٹی وی کیمرہ ایر کنگ بہ بیت۔ آئی ءَ گوشت کہ رواں مالی سال ءِ آمدنی ءِ ٹارگٹ آنی سر ءَ سرجمی ءِ واستہ درستیں سیادی داروکیں افسر آناں یکجائی ءَ کار کنگی اِنت، کار ءِ کوالٹی ءِ سر ءَ ھچ وڑیں سازش کنگ نہ بیت ءُ لاپرواہی ءِ مجرم آنی ھلاپ ءَ کانودی کارروائی کنگ بیت۔ اے ھیالانی درشانی آئی ءَ شمبے ءِ روچ ءَ ریلوے ہیڈ کوارٹر ءَ دیوان ءِ سروکی ءَ کنان ءَ کت۔ دیوان ءَ ریل ءِ سکریپ ءُ اسپیئر پارٹس ءِ دُزی ءِ گر ءُ دار ءِ واستہ زیرو ٹولرنس پالیشی ءِ کنگ ءِ ھم پیسلہ کنگ بوت۔ وفاقی وزیر ءَ ریلوے ءِ نظام ءِ تہا شفافیت ءُ گہتری ءِ ھاتر ءَ پیشگی منصوبہ بندی ءِ لوٹ کنان ءَ گوشت کہ درستیں جیڈھ آنی تہ ءَ یک ھاسیں پالیشی ءُ جوانیں نگرانی ءَ را دل یکیمی کنگ بہ بیت۔ دیوان ءَ یک وڑیں پالیشی ءِ چیر دستی ءَ درستیں بریک ءُ سامان ءِ وین آناں زوت آؤٹ سورس کنگ ءِ ھم پنت ءُ شون کنگ بوتگ۔ دیوان ءَ سرپد کنگ بوت کہ ملت، عوام، میانوالی ءُ قراقرم ایکسپریس ھمے ماہ ءَ پرائیویٹ سیکٹر ءِ دست ءَ دیگ بنت۔ وفاقی وزیر ءَ پنت ءُ شون کت کہ ریلوے ءِ توامیں شوبگ آنی تہ ءَ کارکردگی ءَ را گہتر کنگ، ھرچ ءُ درچ ءَ را کنٹرول کنگ ءُ آمدنی ءَ را گیش کنگ ءِ واستہ عملی گامگیج ترند کنگ بہ بنت۔ وفاقی وزیر ءَ ترمیم بوتگیں لوکوموٹو آناں ٹاک بوتگیں شیڈول ءِ رد ءَ ٹریک ءِ سر ءَ آرگ ءِ ھم پنت ءُ شون کتگ۔