پیپلز پارٹی ءِ چیئرمین بلاول بھٹو زرداری ءَ قصور ءِ نزیک ءَ بھارتی بی ایس ایف ءِ تیر گواری ءَ چہ دو پاکستانی شہری شہید کنگ ءِ تُرندی ءَ مذمت

اسلام آباد۔3اکتوبر  (اے پی پی): پاکستان پیپلز پارٹی ءِ چیئرمین بلاول بھٹو زرداری ءَ قصور ءِ نزیک ءَ ھندی بارڈر سیکورٹی فورسز ءِ تیرگواری ءَ چہ دو پاکستانی شہری شھید کنگ ءِ تچکیں مذمت کتگ ءُ گوشتگ کہ بے گناہیں پاکستانی شہریاں نشانگ جوڑ کنگ سک اپسوز ءُ مذمت انت۔ بلاول بھٹو زرداری ءَ پیپلز پارٹی ءِ میڈیا سیل ءِ نیمگ ءَ جاڑی بوتگیں بیان ءِ تہ ءَ گوشت کہ من شہیدیں لس مردم عظمت رسول ءُ محسن جٹ ءِ کھول ءِ غم ءَ شریک آں ۔ آئی ءَ گوشت کہ میاں اوستمانی سیم سر ءَ بے سلاہیں شہری آناں نشانگ جوڑ کنگ انسانی جان ءِ مقدسیت ءُ تپاک کتگیں سیم سر ءِ ضلورت آنی سر ءَ مزنیں پابندی اِنت۔ بلاول بھٹو زرداری ءَ گیش گوشت کہ مودی سرکار ءُ ھندی رسانکدر ھچ وڑیں من گھڑتیں بیانیہ ءِ پردہ ءِ پُشت ءَ بے گناھیں پاکستانی شہری آنی ھون ءَ چہ شُت نہ کن اَنت۔ آئی ءَ گوشت کہ پاکستان امن لوٹ ایت بلے مئے امن دوستیں رویہ ءَ ھم نزوری لیکگ مہ بیت، راج وتی وت واجہی ءُ ایمنی ءِ رکھینگ ءِ واستہ یکجاھ اِنت ۔ بلاول بھٹو زرداری ءَ گوشت کہ بھارت ءَ را انصاف ءِ جنگ ءَ وتی شکست ءَ چہ دربرگی اِنت ءُ میاں اوستمانی سیم سر ءَ تپاک کتگیں ضوابط ءُ انسانی جان ءِ احترام ءَ را دل یکیمی کنگ لوٹ ایت۔