دری کارانی کارگس ءِ جارکش ءَ پاکستان ءَ وتی دو شہری ءِ کوش ءِ سر ءَ ھندی چارج ڈی افیئرز گوانک جتگ ءُ نہ وشی ءِ درشان کتگ

اسلام آباد۔3اکتوبر  (اے پی پی): پاکستان ءَ بھارتی چارج ڈی افیئرز ءِ طلب کتگ ءُ بھارتی بارڈر سیکورٹی فورسز ءِ نیمگ ءَ وتی دو شہری آنی کوش ءِ سر ءَ تچکیں زھرشانی کتگ ءُ اے گپ ءَ ھم پدر کتگ کہ پاکستان بیران بوتگیں مردم آناں ”نفوذ کنوک“ گْوشگ ءِ ھرچ وڑیں کوشست ءَ را سدک رد کنت۔ ہندوستان ءَ را بنیاتی انسانی حق ءُ میاں اوستمانی کانود ءِ احترام ءَ را دل یکیمی کنگ لوٹیت ءُ دو نیمگی ءِ سیادی داروکیں بندوبست ءُ مرز ءِ سرا تپاک کتگیں رھبند آنی سر ءَ سک باز عمل کنگ لوٹیت۔ شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءَ گوشت کہ 2 اکتوبر 2026 ءَ بھارتی بارڈر سیکورٹی فورس ءِ کارندہ آنی نیمگ ءَ دو پاکستانی شہری آنی کوش ءِ سر ءَ پاکستان ءِ تچکیں زھرشانی ءِ درج کنگ ءِ ھاترا بھارتی چارج ڈی افیئرز ءَ را دری کارانی وزارت ءَ طلب کنگ بوتگ۔ بی ایس ایف ءِ کارندہاں بے سلاہیں شہری آنی ھلاپ ءَ مہلکیں زور کارمرز کتگ ءُ بے آشوب ءَ کارمرز کتگ۔ ترجمان ءَ گشتگ کہ اے زور ءِ کارمرز کنگ سرجم ءَ بے جاہ انت۔ ضروری ءُ نا متناسب ات کہ ایشی ءِ آسر ءَ دو گران بھائیں جان ءِ گار بوتگ ات۔ ترجمان ءَ اے گپ ءِ پدر کنگ ءَ کہ پاکستان بیران بوتگیں مردمانی سر ءَ ”نفوذ کنوک“ ءِ نام ءَ گرگ ءِ ھرچ وڑیں کوشست ءَ را سدک رد کنت ءُ اے گپ ءِ سر ءَ زور پر دات کہ اے وئیل زند ءِ ھک ءَ ھوار بنیاتی انسانی ھک آنی مزنیں لگتمالی یے ءُ میان اُستمانی کانود ءِ رد ءَ شہری زند ءِ رکھینگ ءِ ھوالگ ءَ مزنیں جیڑھے چست کنت۔ ترجمان ءِ رد ءَ بھارت ءَ چہ لوٹ کنگ بوتگ کہ آ اے وئیل ءِ سر ءَ ترند ءُ شُھاز ءُ معتبریں پٹ ءُ پول ءَ بہ کنت، ذمہ وار آنی ھلاپ ءَ جوانیں کانودی کارروائی بہ کنت ءُ پٹ ءُ پول ءِ آسر ءُ کتگیں کارروائی ءِ بابت ءَ پاکستان حکومت ءَ را باقاعدہ سرپد بہ کنت۔ ترجمان ءِ رد ءَ بھارت ءَ چہ گیش لوٹ کنگ بوتگ کہ آ بنیاتی انسانی ھک ءُ میاں اوستمانی کانود ءِ احترام ءَ را دل یکیمی بہ کنت، سیادی داروکیں دو نیمگی بندوبست ءُ تپاک کتگیں سیمسر ءِ کارروائی آنی سر ءَ سک باز عمل بہ کنت، اے وڑیں جاور ھال آنی گوما گر ءُ چیل بوھگ ءِ تہ ءَ گیش ءَ چہ گیش تحمل ءِ کار ءَ بہ کنت ءُ اے وڑیں وئیل آنی پدا دیم ءَ آیگ ءِ گر ءُ دار ءِ واستہ موثر گامگیج بہ زوریت۔