سی پیک نا رداٹ گلگت بلتستان اٹی صنعت و اسپیشل اکنامک زون جوڑ کننگک، کمامدار سی پیک اتھارٹی

اسلام آباد ۔ 08 نومبر (اے پی پی) بنجائی حکومت سی پیک ڈٹ انا رداٹ گلگت بلتستان اٹی صنعت و اسپیشل اکنامک زون جوڑ کیک ۔ سی پیک اتھارٹی نا کمامدارآتارداٹ حکومت سی پیک ڈٹ انا رداٹ ڈیہہ نا تعمیر و ترقی و سوگوی کن پوسکن آ صنعت و اسپیشل اکنامک زون جوڑ کننگ نا فیصلہ کرینے ۔ وخت اس کہ خصوصی اقتصادی علاقہ غاتے ٹی خراج نا رعایت آتا بابت گام گیج آتیان پاکستان شونہالی نا کسر آ روان مریک ۔ داکان بیدس حکومت پاکستان گلگت بلتستان نا الس نا محرومی تا ازالہ ءِ کننگ کن تینا کوشست آتے کاریم اٹ اتنگ ءِ ۔ کمامدارآک پاریر کہ حکومت گلگت بلتستان نا ہندی آبادی ءِ جان جوڑی نا بابت گچین آسراتی تا فراوانی کن سکردو ٹی 250 کٹ ہسپتال نا تفنگ کن 400 ملین روپئی جتا کرینے ۔ وخت اس کہ بابو سرٹاپ ٹنل کے آ کاریم مالی سال 2019-20ء نا پی ایس ڈی پی نا رداٹ بناکیک ۔