حکومت نا برخلاف دروغ آ مبنی من گھڑت دوبہ غاتیان قوم ءِ پین بے وقوف جوڑ کننگ مفک، شیخ رشید احمد

اسلام آباد ۔ 08نومبر (اے پی پی) ریلوے نا بنجائی وزیر شیخ رشید احمد اپوزیشن آ تنقید کرسا پارینے کہ ناپہہ سیاستدانک کشمیر نا ویل آ کرتارپور راہداری نا مثبت اثر آتے پہہ مننگ کپسہ ۔ جمعہ نادے آ اسہ نجی ٹیلی ویژن اسے تون گپ و تران کرسا بنجائی وزیر پارے کہ سکھ یاتری تیکن بابا گرونانک نا ودی دے انا وخت آ بیدس ویزہ کرتارپورصاحب آ بننگ نا آسراتی آن جہانی کہول آ پاکستان نا امن تون مابت کروک آ اصل دروشم درستی راستی مریک ۔ اوپارے کہ اپوزیشن راہشونک داہیت ءِ بایدے پہہ مریر کہ حکومت نا برخلاف دروغ آ مبنی و من گھڑت دوبہ غاتیان قوم ءِ پین بے وقوف جوڑ کننگ مفک ۔ شیخ رشید احمد پارے کہ وزیراعظم عمران خان برصغیر نا ہمو اسٹ انگا راہشون ءِ ہراڑتون برصغیر نا ایلو ریاست آتا الس ہم مابت کیک انتئے کہ او سکھ الس کن بابا گرونانک نا 550 می سال دے آ اسہ یات گار و نہادی ٹیکی اس تسنے ۔