اسلام آباد ۔ 07 نومبر (اے پی پی) مزن وزیر عمران خان ءَ گوں ڈیرہ غازی خان ءَ گوں سیادی داروکیں پاکستان تحریک انصاف ءِ راجی اسمبلی ءِ باسک آں پنچ شمبے ءِ روچ ءَ گند ءُُ نند کت ۔ گند ءُُ نند کنوکیں مردم آنی تہ ءَ وزیر ءِ مملکت برائے ہاءوسنگ محمد شبیر علی قریشی، ھاسیں کمکار ندیم افضل گوندل، ممبر راجی اسمبلی مخدوم باسط بخاری، عامر طلال گوپانگ، نیاز احمد جھاکڑ، خواجہ شیراز محمود، محمد امجد فاروق خان کھوسہ، سردار محمد خان لغاری، سردار نصر اللہ خان دریشک، سردار ریاض محمود خان مزاری ءُُ ملک محمد عامر ڈوگر ھوار اتنت ۔ اے موہ ءِ سر ءَ مزن ویزر ءَ گوں تران کنان ءَ گوشت کہ کوچگ ءَ چہ شہر آں سڑک ءِ نیمگ ءَ دلگوشی انت تانکہ کسانیں دھکان آناں سیت بہ رسیت ۔ آئی ءَ گوشت کہ زرّباری پنجاپ ھاسیں ارزشت ءِ دار ایت چیا کہ گوستگیں حکومت آں اے پڑ ءَ را ڈلگچار کتگ، زرّباری پنجاپ ءِ واستہ سستائیں توان ءَ ھوار روچ ءَ چہ در جتگیں ھاٹیگ ءِ منصوبگ بوھگ ءَ انت، زرّباری پنجاپ ءِ اُلس آنی واستہ آسانی پیداک کناں ۔ گند ءُُ نند ءَ ڈیرہ غازی خان ڈویژن ءَ گوں سیادی داروکیں دیمروئی منصوبگ، دمگ ءِ جوڑیشت ءُُ دیمروئی ءُُ اُلسی جیڈھ آنی سر ءَ ھیال ریچی کنگ بوت ۔
