صدر ء، مملکت ڈاکٹر عارف علوی ءِ 12 دوہزادھمی کارپوریٹ فلنتھراپی ایوارڈز ءِ مراگش ءَ گوں گشتانک

اسلام آباد ۔ 07 نومبر (اے پی پی) صدر مملکت ڈاکٹر عارف علوی ءَ گوشت کہ بنی آدم دوست ءُُ پشت مندگیں تبک ءِ مردم آنی گہبود مئے یکجائیں مول ءُُ مراد انت، پاکستان ءِ الس دیمپانی کار آنی تہ ءَ مُدام دیم ءَ بنت ۔ اے ھیالانی درشانی آئی ءَ پنچ شمبے ءِ روچ ءَ ادا 12 دوہزادھمی کارپوریٹ فلنتھراپی ایوارڈز ءِ مراگش ءَ گوں گشتانک دیان ءَ کت ۔ صدر ءِ مملکت ءَ گوشت کہ 2005 ءِ ٹوھیں زمین جُمب ءَ چہ پد ھمے رنگ ءَ پاکستانی اُلس آں پچیں دل ءَ گوں آماچیں مردم آنی کمک کتگ ایش لاءک ءِ ستا انت ۔ آئی ءَ گوشت کہ ٹوھیں زمین چنڈ ءَ چہ کراچی ءَ چہ خیبر ءَ تاں درستاناں یک راج ءِ جوڑ کنگ بوتگ اَنت ۔ آئی ءَ گوشت کہ سیریں مردم آں جتا جتائیں گہبودی ادارگ ءُُ ہسپتال جوڑ کتگ ۔ آئی ءَ گوشت کہ زکوۃ ءِ واستہ کد ءُُ کساس ءِ گیشینگ بوتگ بلے ھیراتی مول ءُُ مراد آنی واستہ ھمینکیاس کمک کنگ بہ بیت ایشی ءِ اجازت انت ۔