چیئرمین سینیٹ محمد صادق سنجرانی نا ملازم آتا بہبود فنڈ انا ایگزیکٹو کمیٹی نا دیوان آن تران

سینیٹ نا ملازم آک ادارہ نا میرات ءُ، اوفتا راجی آسراتی کن تینا تنخواہ آن ہر تُو 20 ہزار روپئی بہبود فنڈ اٹی ایتیوہ

اسلام آباد ۔ 07نومبر (اے پی پی) چیئرمین سینیٹ محمد صادق سنجرانی پارینے کہ سینیٹ نا ملازم آک ادارہ نا میرات ءُ، و اوفتا راجی آسراتی ننا اولیت ءِ ، اوفتا راجی آسراتی کن تینا تنخواہ غان ہر تُو 20 ہزار روپئی بہبود فنڈ اٹی ایتیوہ ۔ داخیال آتا درشانی ءِ او تینا کماشی ٹی سینیٹ سیکرٹریٹ ملازم آتا بہبود فنڈ انا ایگزیکٹو کمیٹی نا دیوان آن تران کرسا کرے ۔ چیئرمین سینیٹ پارے کہ پارلیمانی ادارہ غاتا کاریم نا وڑوڈول ءِ مون آ تخسا ملازم آتا راجی آسراتی بے کچ اہم ءِ ، سینیٹ نا باسک آک ملوک آ است اٹ عطیہ ایتر ۔ اوپارے کہ گچین راجی آسراتی کسبی زمواری تے جوان وڑاٹ سرانجام تننگ اٹ کمکار مریک ۔ چیئرمین سینیٹ دیوان اٹی ملازم آتا مالی کمکاری نا درخواست آتا جاچ ءِ ہم ہلک ۔ سیکرٹری سینیٹ محمد انور و سینیٹ سیکرٹریٹ نا بڑزکو کمامدارآک فنڈ انا ساڑی حالیت و ایلو معاملہ غاتیا حوال تس ۔ سینیٹرز اعظم سواتی، مصطفی کھوکھر و ثناء جمالی ئسک ہم دیوان اٹی ساڑی ئسر ۔