مارچ ءِ سروک وتی نز میں نپادانی سرءَ آرا م کنگءَ اَنت بیچارگیں کارکن سردیءِ سرءَ لرزینگءَ اَنت، ڈاکٹر فردوس عاشق اعوان

اسلام آباد ۔ 6نومبر(اے پی پی) مز ن وزیرءِ حاسیں کمک کار فردوس عاشق اعوان ءَ گشتگ کہ دھرنا مارچءِ سروک وتی لوگاں نر میں نپادانی سرءَ وابء ُ آرام کنگءَ اَنت بلے ترندیں سرتی ءَ بیچارگیں کارکن لرزینگءَ اَنت، مولانا فضل الرحمان ءِ اولی روچءَ ایچ وڑیں جمہوری ء ُ آئینی لوٹ نہ بوتگ ، نوں سولء ُ ترانی ٹیم ہمک رندءَ کہ گوں آئیءَ سولء ُترانءَ رءوت آ نوکیں گپے جنت ، اُمیت کناں کہ رہبر کمیٹی ء ُ حکومتی سولء ُ ترانی کمیٹی زوت اسلام آباد ءِ مردماناں اے تکانسریءَ چہ درکناں ء ُ اے جیڑہ ءِ یک نہ یک کانودی کشکے کش اَنت، ناموس رسالت ءِ سرءَ درس دیءوکیں مولانا فضل الرحمان اے حکومتءِ بھربوتگ کہ آئیءَ ناموس رسالت ءِ قانودءَ را سُرینتگ بوتگ ، میڈیا گواہ اِنت کہ آ وہدءَ مولانا ءَ نہ دھرنا داتگء ُنا توار چست کتگ ، عالم دین وہدے ممبر ءِ سرءَ بھتان جناں گڑا آ دنیاء ُ آخرتءَ شِرء ُ رُژواہ بنت ، دنیاءِ اولی وئیل اِنت کہ سکیں نادراہیں مردم نادراہ جاہءِ رءوگءِ بدلءَ لوگءَ شتگ ۔ چارشمبے ءِ روچءَ حال درءَ گوں گپء ُتران کنگءَ مزن وزیر حاسیں کمک کار ڈاکٹر فردوس عاشق اعوانءَ گشتگ کہ پاکیں حوناں چہ کشمیرءِ داستان نبشتہ کنگ بوتگ ۔ آیاں دادء ُ سلام پیش کنگءِ ھاترءَ ما درس اِدءَ مُچ اَنت بلے میڈیاءِ ھاترءَ باز المی سرحال ایش اِنت کہ اسلام آبادءَ یک انچیں مارچے اَست کہ آئیءَ را آزادی مارچءِ نام دیءگ بوتگ ، اے موسم ءَ ورکر میدانءَ سرتی ءِ سرءَ لرزگءَ اَنت ء ُ راہشون وتی لوگاں وتی نر میں نپادانی سرءَ وابء ُ آرام کنگءَ اَنت ۔ مزن وزیر عمران خان ءَ ہمدردی کتگء ُ سی ڈی اے ءِ چیئرمین ءَ را پنتء ُشون کتگ کہ سرتیءِ سرءَ کپتگیں کارکنوکانی آرامء ُ آسراتیءِ ھاترءَ گامگیج چست کنگ بہ بنت، حکومتءِ فرض اِنت کہ ہمک شہری ءِ بنکی حق رکھینگ بہ بنت ۔ آئیءَ گشتگ کہ اے ہم راست اِنت کہ مے سولء ُ ترانی کمیٹی امیچو رندءَ گوں آئیءَ گند ء ُ نندکتگ آئیءَ نوکیں گپے دیما آءورتگ ۔ آئیءَ گشتگ کہ مزن وزیر عمران خان ءِ اسرائیلءِ ہوالگءَ بیان سرج میں دنیاءَ گوشداشتگ کہ آئیءَ گشتگ کہ وہدے فلسطین ءِ جیڑہ گیشء ُ گیوار نہ بیت ایچ وڑیں امنء ُ ایمنی ءِ ضمانت دیءگ نہ بیت ۔ مزن وزیر ءِ حاسیں کمک کار ڈاکٹر فردوس عاشق اعوان ءَ گشتگ کہ شپءَ آئیءَ ناموس رسالتءِ ہوالگءَ ہم گوشتانک داتگ بلے آئیءَ را نوں گشگ المی اِنت کہ آ وہدءَ کہ مزن گسءَ ناموس ِرسالت قانود ء َ را مٹ کنگ بوہگءَ اَت فضل الرحمان حاموش بوتگء ُ مزن گسءَ نشتگ بوتگ، اُلسءَ زھرشانی کتگ بلے آئیءِ گوشاں مورے ءَ ناوارتگ ء ُ وتی عیشء ُ آرام ءِ تہء َ بوتگ ، میڈیا اے گپءِ گواہ اِنت کہ نہ آئیءَ دھرنا داتگ ء ُ وتی توا ر چست کتگ ۔ یک جستے ءِ پسوءَ آئیءَ گشتگ کہ لاہور ءَ میاں نواز شریف گہتریں آسراتی زورگءَ وتی لوگءَ شتگ اے دنیاءِ نوکیں گپ اِت کہ یک سکیں نادراہے نادراہ جاہءِ بدلءَ وتی لوگءَ رءوت، مریم نواز ء َ را ہمے ھاترءَ یل کنگ بوتگ کہ آ یک زالبولے ء ُ آ وتی پتءِ ازمتءَ بہ کنت،20کروڑ اُلسءِ چم گوں جاتی امراءءَ سک اَنت ، آئیءَ را ہمے مول ء ُمرادءِ ھاترءَ ضمانت دیءگ بوتگ آ وتی پتءِ ازمتءَ بہ کنت ہرچ کیزی اے وڑ نہ بیت کہ آ نادراہی ءِ سوبءَ یل کنگ بہ بیت ء ُ علاجءِ ھاترءِ نادراہ جاہءَ رءوگءِ بدلءَ لوگءَ میڈیکل یونٹ جوڑ بہ کنت ۔