چیئرمین یورپی یونین ملٹری کمیٹی جنرل کلاڈیو گریز یا نونا نیول ہیڈ کوارٹر ز نا دورہ، پاک بحریہ نا سروک ایڈمرل ظفرمحمود عباسی تون اوڑدہی

اسلام آباد ۔ 06نومبر (اے پی پی) چیئرمین یورپی یونین ملٹری کمیٹی جنرل کلاڈیو گریز مانو نیول ہیڈکوارٹرز اسلام آباد نا دورہ ءِ کرے و پاک بحریہ نا سروک ایڈمرل ظفرمحمود عباسی تون اوڑدہی کرے ۔ ترجمان پاک بحریہ نا رداٹ نیول ہیڈکوارٹرز آ بننگ آ پاک بحریہ نا سروک ایڈمرل ظفرمحمود عباسی شرفدار آ مہمان ءِ بخیر کرے ۔ جنرل کلاڈیو گریز یا نو ءِ روایتی وڑاٹ گارڈ آف آنر پیش کننگا ۔ اوکان پد او نیول ہیڈکوارٹرز اٹی یات گار شہید آتیا پھل آتا چادر اس شاغا ۔ چیئرمین یورپی یونین ملٹری کمیٹی پاک بحریہ نا سروک تون اوڑدہی کرے ۔ اوڑدہی ٹی تین پہ تینی است خواہی و دفاعی کمکاری نا معاملہ غاتیا ہیت وگپ مس ۔ سروک پاک بحریہ ڈیہہ ٹی سمندری سلامتی و امن ءِ المی کننگ و دہشت گردی نا برخلاف جنگ اٹی پاکستان نا کڑد ءِ مون آ تخا ۔ جنرل کلاڈیو گریز یانو ڈیہہ ٹی بحری سیکورٹی و سوگوی نا بابت پاک بحریہ نا کوشست و عزم انا ستاءِ کرے ۔