وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد ۔ 06نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردو س عاشق اعوان پارینے کہ مولانافضل الرحمان نا استونا تران پیپلزپارٹی و مسلم لیگ (ن) آن دلبرداشتہ رویہ و مونجائی نا درشانی ئس، اولیکو دے پاریسن کہ دا خلقت اسہ ایلو تون مخلص افس تو قوم اتون انت وفاکرور ۔ گچین کاری تیٹی مسترد مروک آ ک حقی السی مینڈیٹ نا توہین ءِ کپس نئے جمہوری نظام آ جلہو گیر مریر، سیاسی تنیائی نا گواچی مولانا جندی فائدہ غاتا عینک ءِ شیف کے ہرے تو معلوم مریک کہ پاکستان تنیائی نا گواچی اف ۔ چارشنبے نادے آ تینا ٹویٹ اٹی ڈاکٹر فردوس عاشق اعوان پارے کہ حقیقت دادے کہ وزیراعظم عمران خان نا اقوام متحدہ نا تاریخی تقریر مولانا نا مذہبی کارڈ آ تالان بیانیہ ءِ پنچر و دھرنہ نا مسخت آتے دفن کرینے ۔ اوپارے کہ مولانا خودفریبی آن پیش تمے، الس ءِ تنک کپ، نی چم اٹی بے سہب مسونس ۔ اوپارے کہ لس گچین کاری تیٹی مسترد مروک آ ک السی مینڈنٹ نا توہین ءِ کپس و جمہوری نظام آ جلہو گیر مفس ۔ سیاسی تنیائی نا گواچی مولانا جندی فائدہ غاتا عینک ءِ شیف کرسا ہرے تو معلوم مریک کہ پاکستان تنیائی نا گواچی اف ۔ اوپارے کہ وزیراعظم عمران خان نا کماشی ٹی پوسکن آ پاکستان نا تشخص مچ آ دنیا ٹی مون آ بننگ ءِ ۔