ائیر چیف مارشل مجاہد انور خان ءَ گوں سری لنکن چیف آف ڈیفنس سٹاف ایڈمرل راویند راوجے گنارتنے ءِ گند ءُُ نند

اسلام آباد ۔ 5 نومبر (اے پی پی)پاک فضائیہ ءِ سروک ائیر چیف مارشل مجاہد انور خان ءَ گوں سری لنکن چیف آف ڈیفنس سٹاف ایڈمرل راویندرا وجے گنا رتنے ءَ مرچی ائیر ہیڈ کوارٹرز اسلام آباد ءَ گند ءُُ نند کت ۔ دوئیں شرپ مندیں مہمان آں کزبی ءُُ واھگی کار آنی سر ءَ تران کت ءُُ دوئیں بالی اُرد آنی نیام ءَ استیں وت مہ وتی یکوئی آنی سر ءَ دل یکیمی ءِ درشان کت ۔ گند ءُُ نند ءِ ساھت ءَ سری لنکن چیف آف ڈیفنس اسٹاف ءَ دوئیں نیمگ ءِ کزبی ءُُ یکوئی آناں گیش ودینگ ءِ سر ءَ تپاک کت ۔ ائیر چیف ءَ سری لنکن چیف آف ڈیفنس اسٹاف ءَ را پاکستان ءِ نیمگ ءَ تکنیکی ھیل کاری ءُُ کزبی زانتکاری ءِ شوبگ ءَ سرج میں کمک کنگ ءِ دل یکیمی دات ۔ ایشی ءَ چہ پسیر سری لنکن چیف آف ڈیفنس اسٹاف ءِ ائیر ھیڈ کواررٹرز ءَ پجگ ءِ پد ءَ پاک فضائیہ ءِ ورنا آں آرا گارڈ آف آنر پیش کت ۔ شرپ مندیں مہمان آں پاک فضائیہ ءِ شہید آناں توسیپ ءُُ ستا پیش کنگ ءِ واستہ ائیر ھیڈ کوارٹررز ءَ نمیرانیں شہید آنی کبر ءِ سر ءَ پُل آنی چادر پردات ۔