لاہور ءِ کچٹی آن بچفنگ کن مصنوعی جنگل خلنگک، مومنہ وحید

لاہور ۔ 05نومبر (اے پی پی) چیئرپرسن سٹیڈنگ کمیٹی فار چیف منسٹر انسپیکشن ٹیم و باسک پنجاب اسمبلی مومنہ وحید پارینے کہ لاہور ءِ کچٹی آن بچفنگ کن مصنوعی (میاواکی) جنگل خلنگک ہرانا رداٹ اسہ ایکڑ نا جاگہ غا مصنوعی جنگل خلنگ نا کاریم ءِ چار ہفتہ ٹی پورو کننگک و داڑے ہندی وڑانا 5ہزار 600 درخت خلنگک ۔ داڑے خلوک آ نیالک ودسا درخت جوڑ مریرہ، گھنا جنگل مسہ سال اٹی جوڑ مریک ، داجنگل شار انا چاگڑد آن کاربن ءِ جذب کیک و آکسیجن مہیا کیک ہراٹی چاگڑدی کچٹی ٹی کمتی و تہوانا آب گچین مریک، جنگل اٹی پند اٹ ہنوک آتے کن کسرہم جوڑ کننگک، میاواکی ، جنگل خلنگ نا جاپانی تکنیک ءِ، دا تکنیک آن خلوک آ جنگل 10گنا ترندی اٹ ودک ۔ دا ڈٹ اکن ایل ڈی اے نا وسیلہ غاتے کاریم اٹ اتپننگک ۔ اسہ نجی ءُ ادارہ اس تینا خڑچ آتیان دا ڈٹ ءِ پورو کیک ۔