مولانا فضل الرحمان بے چیٹی نا سیاست آن پاناد کے، غلام بی بی بھروانہ

اسلام آباد ۔ 05نومبر (اے پی پی) پاکستان تحریک انصاف نا باسک قومی اسمبلی غلام بی بی بھروانہ پارینے کہ ملک مشکلات آتا گواچی ءِ ، مولانا فضل الرحمان بے چیٹی نا سیاست آن پاناد کے، حکومت و اپوزیشن اواری اٹ قومی فائدہ غاتے کن کاریم کیر ۔ داہیت ءِ او اے پی پی تون گپ و تران کرسا پارے ۔ اوپارے کہ است ہسونی اٹ پاروئی تمنگ ءِ کہ دھرنا نا پن آ بنجائی دارالحکومت اٹی الس ءِ مشکل اٹی بِٹنگانے ۔ اوپارے کہ وزیراعظم عمران خان گچین مروک جمہوری حکومت نا سروک ءِ، اودے الس ملک ءِ مشکل آتیان کشنگ نا مینڈیٹ تسنے وخت اس کہ مولانا فضل الرحمان ءِ الس لس گچین کاری تیٹی مسترد کرینے ۔ غلام بی بی بھروانہ پارے کہ کشمیر تون اوار ایلو قومی فائدہ غاتا ایشو تیا سیوت تون مون آ ہِننگ نا گرج ءِ ۔ اوپارے کہ وزیراعظم عمران خان نا ملک ءِ تنکی آن کشنگ نا کوشست آک بار آور ثابت مننگ ءُ، مولانا تون اوار اپوزیشن جماعت آک ملک و قوم انا فائدہ نا خاطر وزیراعظم عمران خان تون تفیر ۔