برانزی مارچ آن کشمیر نا ویل آن ہندی و جہانی میڈیا نا چکار اسہ کنڈ مس، غلام سرور خان

اسلام آباد ۔ 05نومبر (اے پی پی) بنجائی وزیر ہوابازی غلام سرور خان پارینے کہ جندی فائدہ غاتا سیاست ءِ بے سہبی تون مون تروئی تمک، نام نہاد آزادی مارچ مولانا فضل الرحمان نا اصل دروشم ءِ پاش کرینے ۔ سے شنبے نادے آ نجی ٹی وی چینل تون گپ وتران کرسا بنجائی وزیر پارے کہ برانزی مارچ آن کشمیرنا ویل آن ہندی و جہانی میڈیا نا چکار اسہ کنڈ مسنے ولے او کشمیر نا ویل انا ایسری کن حکومتی کوشست آتے توننگ اٹ اسل سرسہب مفک انتئے کہ کشمیر پاکستان نا شہ رگ ءِ ۔ اومستی پارے کہ پی ٹی آئی نا سرکڑدہ کشمیر نا ویل ءِ جہانی کہول آ گچین وڑاٹ چست کننگ ءِ ۔ اوپارے کہ حکومت برآمد آتے ٹی ودکی، روزگار نا پوسکن ءُ وارخواہی ودی کننگ و نہاد آتے ٹی ودکی نا مون ءِ توننگ نا ذریعہ زرگزران و روزگار نا چیلنج آتون مون تننگ کن پورو کوشست کننگ ءِ ۔ اوپارے کہ وزیراعظم عمران خان اقوام متحدہ نا جنرل اسمبلی ٹی کشمیر نا ویل ءِ متاثر کن وڑاٹ جہانی برادری نا مون آ پیش کرے ہرانا مچ آ دنیا ٹی ستاءِ کننگانے ۔