چیئرمین سینیٹ محمد صادق سنجرانی نا ہنگری نا سفیر اسٹیون سزیبو تون اوڑدہی ٹی ہیت وگپ

اسلام آباد ۔ 05نومبر (اے پی پی) چیئرمین سینیٹ محمد صادق سنجرانی پارینے کہ گچین پارلیمانی رابطہ کاری نا کمک اٹ پاکستان و ہنگری نا الس ءِ خڑک اتنگ مریک ، ننا است خواہی ءِ کہ ہڑتوم آ کنڈآتا کمکاری ءِ زیات سوگو کننگے، پاکستان اٹی زرکاری کن چاگڑد سازگار ءِ ، ہنگری نا زرکارآک گوادر اٹی زرکاری کن مون آ بریر ، گوادر ڈیہہ نا ملک آتا نیام اٹ رابطہ کاری ٹی اہم کڑد ادا کیک، علاقائی و جہانی واپاری سرجز آتے ٹی گوادر بندرگاہ نا کڑد اہم ءِ ۔ داخیال آتا درشانی ءِ او سے شنبے نادے آ ہنگری نا سفیر اسٹیون سزیبو تون اوڑدہی ٹی کرے ۔ چیئرمین سینیٹ پارے کہ واپاری و اقتصادی بشخ آتے ٹی ہڑتوم آ کنڈآتا کمکاری ءِ سوگو کننگ نا گرج ءِ ۔ گچین پارلیمانی رابطہ کاری نا کمک اٹ الس ءِ خڑک اتنگ مریک ۔ اوپارے کہ ہنگری یورپ نا اہم ءُ ملک اسے ۔ ننا است خواہی ءِ کہ ہڑتوم آ کنڈآتا کمکاری ءِ زیات سوگو کننگے ۔ پاکستان اٹی زرکاری کن چاگڑد سازگار ءِ ۔ اوپارے کہ ہنگری نا زرکارآک گوادر اٹی زرکاری کن مون آ بریر ۔ گوادر ڈیہہ نا رابطہ کاری ٹی اہم ءُ کڑد اس ادا کیک ۔ علاقائی و جہانی واپاری سرجزآتے ٹی گوادر بندرگاہ نا کڑد اہم ءِ ۔ مقبوضہ کشمیر اٹی حالیت آک دے پہ دے خراب مننگ ءُ ۔ چیئرمین سینیٹ محمد صادق سنجرانی پارے کہ نن ویل انا اقوام متحدہ نا قرارداد آتا رداٹ پرامن ایسری ءِ خوانہ ۔ بھارت مقبوضہ کشمیر نا الس آ ظلم کننگ ءِ ۔ جہانی برادری مقبوضہ کشمیر نا الس آ کروک آ ظلم آتا نوٹس ءِ ہلے ۔ داوخت آ ہنری سفیر پارے کہ ہنگری پاکستان ءِ اہم ءُ ملک اس تکک ۔ پارلیمانی رابطہ و واپاری تعلقداری تے مون آ دننگ نا سخت گرج ءِ ۔