اسلام آباد ۔ 5 نومبر (اے پی پی) پاکستان ءُُ کینیڈا ءِ نیام ءَ دیمپانی ءُُ سیکورٹی ءِ شوبگ ءَ کمک آناں برجم کنگ ءِ سر ءَ تپاک کنگ بوت ۔ اے تپاکی سئے شمبے ءَ اوٹاوا ءَ کینیڈا ءَ پاکستانی ہائی کمشنر رضا بشیر تارڑ ءُُ کینیڈین آرمڈ فورسز ءِ چیف آف ڈیفینس سٹاف جنرل جونا تھن وینس ءِ نیام ءَ گند ءُُ نند منوگر کنگ بوت ۔ ہائی کمشنر رضا بشیر تارڑ ءَ کینیڈین چیف آف ڈیفینس سٹاف ءَ را اوگانستان ءَ امریکی سروکی ءَ ایمنی ءِ کوشست ءَ پاکستان ءِ کمک ءَ ھوار دمگی جاور ھال آنی بابت ءَ بریف کت ءُُ گوشت کہ ایمن ءُُ برجم ءُُ وشھالیں اوگانستان دمگی ملک آنی گہتریں سیت ءِ واستہ انت ۔ ہائی کمشنر ءَ پاکستانی آرمڈ فورسز ادارگ آنی لُکوکیں وھد ءُُ پاس، میڈیم ءُُ دراج بُریں کورسز ءَ کینیڈین آرمڈ فورسز آنی اپسرگ آنی شریکی ءَ ھوار سیکورٹی کمک ءَ را برجم کنگ ءِ واھشت ءِ درشان کت ۔ ہائی کمشنر ءَ گوشت کہ پاکستانی ءُُ کینیڈین آرمڈ فورسز آنی نیام ءَ یکجائیں اُردی ایکسرسائز ءَ کمک دوئیں ملک آنی وت مہ وتی سیت ءِ تہ ءَ انت ۔ جنرل وینس ءَ دمگی ایمنی ءُُ برجائی ءِ واستہ کوشست ءَ پاکستان ءِ ارزشتی ایں کرد ءَ را ساڑات ۔
