اسلام آباد ۔ 5 نومبر (اے پی پی) پاک بحریہ ءَ ھُشکی ءَ چہ آپی جہاز ءَ را نشانگ بندوکیں میزائل ءِ کامیاتیں تجروبت کت، میزائل ءَ وتی نشانگ ءَ را کامیاتی ءَ نشانگ بست ۔ سئے شمبے ءَ ترجمان پاک بحریہ ءِ نیمگ ءَ جاڑی بوتگیں بیان ءِ رد ءَ پاک بحریہ ءِ سروک ایڈمرل ظفر محمود عباسی ءَ ھم میزائل فائرنگ ءَ را چار ءُُ تپاس کت ۔ امیر البحر ءَ میزائل تجروبت ءَ را کامیات جوڑکنگ ءِ پد ءَ سیاسی داروکیں یونٹس، سائنسدان ءُُ انجینئر آنی کوشست آناں ساڑات ۔ آئی ءَ گوشت کہ پاک بحریہ کجام ھم نمونگ ءِ جنگ ءُُ چوپ ءِ پسو ءَ دیگ ءَ سرجمی ءَ تیار انت ۔ پاک بحریہ ءِ ورنا ءُُ آفیسر ملک ءِ زرّئی سیم سر ءُُ آپی مڈی آنی رکھینگ ءِ وستہ ھمک ساھت تیار اَنت ۔
