بنجاھی وزیر اقتصادی کار حماد اظہر ءِ پریس کانفرنس

اسلام آباد ۔ 5 نومبر (اے پی پی) بنجاھی اقتصادی کار حماد اظہر ءَ ’’کار کے‘‘ کشاں چیل ءَ را جوانیں درشان داب ءَ گوں گیواری ءِ پد ءَ سرج میں راج ءَ را مبارکی دیان ءَ گوشت کہ مزن وزیر عمران خان ءُُ ترکی ءِ صدر رجب طیب اردوان ءِ ھاسیں کوشست ءُُ دلگوشی ءَ چہ اے جیڈھ گیوار بوت، استیں مالی سال ءِ اولی سئے ماھ آنی نیام ءَ ھساب ءُُ کتاب ءِ اندر ءَ استیں وام گوستگیں سال ءِ رد ءَ 64درسد کم بوتگ اَنت، مالی وام اولی سئے ماھ آنی ساھت ءَ 50 درسد ءَ تاں کم ریکاٹ کنگ بوتگ اَنت ۔ پرائمری بجٹ بیلنس ءِ رد ءَ سئے ءِ ساھت ءَ 285 ارب کلدار ءِ گیشیں آمدنی بوتگ، ھمے رنگ ءَ فارن پورٹ فولیو سرمایہ کاری ءَ 137درسد گیشی بوتگ، ایف بی آر ءَ چہ مُزدگر آناں کشگ نہ بوھگ ءَ انت، معیشت ءَ را برجا کنگ ءَ پد آیوکیں بھر آنی تہ ءَ روگ ءَ انت ایشی ءَ چہ مارا گیش وشھالی رسیت ۔ سئے شمبے ءَ ادا پریس کانفرنس ءَ گوں تران کنان ءَ بنجاھی وزیر اقتصادی کار حماد اظہر ءَ ’’ کارکے‘‘ ءِ گیواری ءِ واستہ سرج میں راج ءَ را مبارکی دیان ءَ گوشت کہ مزن وزیر عمران خان ءُُ ترکی ءِ صدر رجب طیب اردوان ءِ ھاسیں کوشست ءُُ دلگوشی ءَ چہ اے جیڈھ گیوار بوتگ، ’’ کار کے‘‘ ءِ ھوالگ ءَ منوگری40سال ءَ پیسر پیپلز پارٹی ءِ زمانگ ءَ بوتگ ایشرا اپوزیشن ءَ چیلنج کتگ بوتگ ۔ ایشی ءَ چہ پد اے جیڈھ میاں اوستمانی تک ءَ گیوار استیں سنٹر ءَ کنگ بوت ایشی ءِ تہ ءَ پاکستان ءَ 1.2ارب ڈالر جرمانہ لڈگ بوت ۔ 18ملک آنی کانود ی کمک زورگ بندات کتگ بوتگ پدا ھم استیں حکومت ءِ کوشست ءَ چہ اے جیڈھ جوانیں درشان داب ءَ گوں گیوار بوھگ ءَ انت، حکومت ءَ پاکستان ءِ بن گپ ءَ را وش اتک کتگ ءُُ اے جیڈھ گیوار بوتگ ایشی ءِ پد ءَ سرج میں راج مبارک بات ءِ لاءک انت ۔ استیں حکومت ءِ اقتصادی کامیاتی آنی تران ءَ کنان ءَ آئی ءَ گوشت کہ جاڑیگیں مالی سال ءِ اولی سئے ماھی ھساب ءُُ داد آنی وام گوستگیں مالی سال ءِ رد ءَ 64درسد کم بوتگ اَنت، مالی وام آنی تہ ءَ اولی سئے ماھ آنی ساھت ءَ 50درسد کمی ریکاٹ کنگ بوتگ، پرائمری بجٹ بیلنس ءِ رد ءَ سئے ماھے وھد ءَ 285ارب کلدار ءِ گیشی بوتگ، ھمے رنگ ءَ فارن پورٹ فولیو سرمایہ کاری ءَ 137درسد گیشی بوتگ، گوستگیں سئے سال آنی تہ ءَ پورٹ فولیو سرمایہ کاری وامی جاڑی اتنت ۔ حماد اظہر ءَ گوشت کہ 2017ءَ چہ پد زرّ امبار آنی کساس 500ملین ڈالر ھمک ماھ ءِ ھساب ءَ چہ گوزگ ءَ بوتگ اَنت، جنوری 2019 ءِ جاور آنی تہ ءَ گہتری پیداک انت ۔ جون ءَ چہ پد زر امبار آنی کساس 650ملین ڈالر ءِ گیشی بوتگ ۔ چکروکیں وام آنی تہ ءَ کمی اتکگ ءُُ دسمبر ءَ تاں چکروکیں وام آناں زیرو ءَ تاں براں ۔ آئی ءَ گوشت کہ کاروبار ءِ تہ ءَ آسانی آنی ھوالگ ءَ پاکستان ءِ میاں اوستمانی رینکنگ ءَ 28پوائنٹ ءِ گیشی بوتگ ایش حکومت ءِ سرمایہ کاری ءُُ سوداگر دوستیں پالیشی ءِ آدینک ءَ پیش دار اَنت، سٹاک مارکیٹ ءَ اگست ءَ چہ بگر انوگ ءَ تاں 6ہزار 500پوائنٹ ءِ گیشی بوتگ، گوستگیں سئے روچ آنی تہ ءَ اندیکس ءَ 1500پوائنٹ ءِ گیشی بوتگ ۔ آئی ءَ گوشت کہ اقتصادی برجائی ءِ گوما دیمروئی ءِ کار ءَ را دیم ءَ برگ ءِ واستہ ھم گامگیج کنگ بوھگ ءَ انت، سرمایہ کاری ءِ شوبگ ءَ دیمروئی پروگرام ءِ واستہ فنڈز آنی بنگیج دو سرئی بوتگ اَنت، حکومت ڈن ءَ روان دیگ ءِ پڑ ءَ گیشی آرگ ءَ کار کنگ ءَ انت، مالی سال ءِ اولی سئے ماھ آنی تہ ءَ ریڈی میڈ گارمنس، بیڈوئیرز، کنگ (دان) ءِ تہ ءَ 23.8,36 ءُُ 52درسد گیشی ریکاٹ کنگ بوتگ ۔ مالی سال ءِ اولی سئے ماھ ءَ 960ارب کلدار ءِ ٹیکس یکجاھ کنگ بوتگ، معیشت ءَ را برجا کنگ ءِ واستہ اولی بھر ءِ تہ ءَ پُترگ ءَ انت، ایشی ءِ تہ ءَ مارا گیش وشھالی رسیت ۔ یک جُستے ءِ پسو ءَ آئی ءَ گوشت کہ ایف بی آر ءَ گہتری ءِ کار برجا انت ءُُ ادارگ ءِ مُزدگر آناں در کنگ ءِ منصوبگ یا ھیال نیست انت ۔ یک جستے ءِ پسو ءَ آئی ءَ گوشت کہ سندھ حکومت ءَ گندم بھا نہ زُرتگ ایشی ءِ سبب ءَ بازیں دمگ آنی تہ ءَ گندم ءِ کمی بوتگ نوں پاسکو ءِ گودام آنی تہ ءَ چہ 6ءُُ نیم لکھ گندم جاڑی کنگ بوھگ ءَ انت ، ایشی ءِ جاور ھال گہتر بوھگ ءَ انت ۔ آئی ءَ گوشت کہ گران بھائی ءَ را گر ءُُ دار کنگ ءِ واستہ صوبائی حکومت آنی گوما یک مُشتی ءَ کار کنگ ءَ آں ، بازیں وردن ءُُ وراکی چیز آنی نیاد ءِ تہ ءَ گیشی ھرابیں موسم ءِ سبب ءَ ھم بوتگ اَنت ۔