کوءٹہ ۔ 04نومبر (اے پی پی) چیئرمین سینیٹ محمد صادق سنجرانی تون اوار چین نا نیشنل ڈویلپمنٹ اینڈ ریفارمز کمیشن این ڈی آر سی و چین پاکستان اقتصادی راہداری سی پیک ڈٹ انا جوائنٹ کوآپریشن کمیٹی جے جے سی نا بڑزکو کہولی ڈل گوادر نا دورہ ءِ کرے ڈل اٹی چینی کمامدارآتون اوار چیف سیکرٹری بلوچستان فضیل اصغر ، بنجائی وزیر پلاننگ اینڈ ڈویلپمنٹ خسرو بختیار صوبائی وزیر خزانہ ظہور احمد بلیدی صوبائی سیکرٹری انرجی شیر یار تاج ، چینی سفیر و چین نا ادارہ ڈویلپمنٹ اینڈ ریفارمز نا وائس چیئرمین تون اوار چندی چینی کمپنی تاسروک آک اوار ئسر ۔ داوخت آ چیئرمین سینیٹ محمد صادق سنجرانی، چیف سیکرٹری بلوچستان فضیل اصغر بنجائی وزیر خسرو بختیار صوبائی وزیر خزانہ ظہور احمد بلیدی صوبائی سیکرٹری بلوچستان انرجی شیریار تاج چینی ڈل اتون اوار گوادر اٹی مسہ سد میگاواٹ کول بیسڈ پاور پلانٹ ڈٹ انا بنداو تون اوار گوادر پورٹ اتھارٹی نا دنگ اٹ پورٹ اتھارٹی نا مسہ مزلہ زِربار کمرشل کمپلیکس نا بناءِ ہم کریر ۔ داوخت آ پورٹ اتھارٹی نا چیئرمین حوال ترسا پارے کہ پوسکن آ طرز تعمیر نا زربار کمرشل کمپلیکس پنچ سد ملین روپئی نا خڑچ آن اِراسال نا مد اٹ پورو مسنے داکان مست چیئرمین سینیٹ سینیٹرمحمد صادق سنجرانی و بنجائی وزیر خسرو بختیار چینی ڈل اتون اوار نارتھ فری زون و ایکسپریس وے انا زیر تعمیر ڈٹ آتا ہم معائنہ ءِ کرے ہراڑے اودے دا ڈٹ آتا بارواٹی سرجم حوال تننگا، تینا دورہ گوادر نا وخت آچین نا سفیر چینی حکومت نا کنڈآن چار ہزار شمسی سولر پاکستانی کمامدار آتا حوالہ کرے ، چینی حکومت نا کنڈآن تروک آ دا سولر پینل خیر سگالی جوزہ نا رداٹ گوادر نا الس اٹی مفت بشخنگک ۔ چینی سفیر پاک چائنہ فرینڈ شپ اسکول نا ودکی ءِ ہم کرے، مڈل اسکول ءِ ودفنگک ۔ داوخت آ دود آن تران کرسا چیئرمین سینیٹ محمد صادق سنجرانی نا پاننگ ئس کہ مسہ سد میگاواٹ کول پاور پلانٹ نا پوروی آن پد گوادر تون اوار مچ آ مکران اٹی بجلی نا کمتی نا ویل ہمیشہ کن چٹک، دا ڈٹ برادر ملک چین نا کنڈآن ءِ ہرا تینا میعاد نارداٹ پورو مریک ۔ چیئرمین سینیٹ پارے کہ زربار کمرشل کمپلیکس اسہ گچین ءُ پروجیکٹ اسے ، دا کمرشل کمپلیکس نا پوروی آن گوادر پورٹ آ ون وینڈو شاپنگ نا آسراتی ساڑی مریک، دود آن بنجائی وزیر پلاننگ اینڈ ڈویلپمنٹ خسرو بختیار تران کرسا پارے کہ گوادر واپاری جاگہ اس جوڑ مننگ والا اف بلکن مسنے ، گوادر پورٹ ڈیہہ نا ملک آتے کن گچین رابطہ کاری ٹی اہم کڑد اس ادا کیک ۔ اونا مستی پاننگ ئس کہ سی پیک نا ڈٹ پاکستان و چین نا سنگتی و پت انا اسہ بڑزکو مثال اسے ۔ ہرانا مثال ملیپک ۔ اونا پاننگ ئس کہ دا ڈیہہ نا شونداری و شونہالی ننا حکومت نا اولیت ءِ، داوخت آ چیئرمین سینیٹ محمد صاد ق سنجرانی تون اوار ڈل اٹی اوار کمامدارآک گوادر فری زون نا دنگ اٹ گرین پاکستان پروگرام نا رداٹ نیال اس خلکر ، دود اٹی سینیٹر بابر بلوچ، بلوچستان نا وزیر خزانہ ظہور احمد بلیدی، چیف سیکرٹری بلوچستان و ایلو پاکستانی و چینی بڑزکو کمامدارآک ہم ساڑی ئسر ۔ دود اٹی پاک چائنہ اسکول نا طالب علم آک پاکستان و چین ہڑتوم آ ملک آتا قومی ترانہ ءِ زیبا انگا توار اٹ پیش کریر و اسٹیج آ پرفارم کرسا مہمان تے بخیر اٹ پاریر ۔
