کوءٹہ ۔ 04نومبر (اے پی پی) ترجمان حکومت بلوچستان لیاقت شاہوانی پارینے کہ ساڑی صوبائی حکومت وزیراعلیٰ بلوچستان جام کمال خان نا کماشی ٹی تعلیم ءِ مون آ دننگ کن کوشست کننگ ءِ، صوبہ نا غٹ سرکاری اسکول آتے ٹی بائیو میٹرک سسٹم اس درستی راستی کرفسا استاد آتا حاضری ءِ ممکن کننگک، ترجمان پارے کہ داوڑنا گام گیج آتیان طالب علم آتا بنداوی ویل آتا ازالہ مننگ کیک، و استاد آتے ہم تینا فرض ءِ پورو کننگ اٹ ہم آسانی مریک، لیاقت شاہوانی پارے کہ دنیا ٹی شونداری نا مزل ءِ طے کننگ کن تعلیم ءِ مون آ دننگ اولیکو شڑت ءِ تعلیم آن بیدس ہچ ءُ قوم یا راج اس سرسہبی نا بڑزی تے رسینگ انگ کپک ۔ اوپارے کہ ساڑی صوبائی حکومت ہر ہمو گام گیج ءِ ہرفنگ کن پرعزم ءِ ہراڑان راج انا راجی آسراتی ممکن مننگ کے ۔
