راولپنڈی ۔ 4 نومبر (اے پی پی) پاک فوج ءِ سروک جزل قمر جاوید ءِ سروکی ءَ 226کور کمانڈر کانفرنس دو شمبے ءَ جنرل ھیڈ کواررٹرز ءَ بوت ایشی ءِ تہ ءَ راجی سلامتی ءُُ جیوسٹرٹیجک جاور آنی چار ءُُ تپاسی گرگ بوت ۔ کانفرنس ءَ توکی سلامتی، مشرقی سیم سر، ایل او سی ءُُ مقبوضہ جموں ءُُ کشمیر ءِ جاور ھال آنی سر ءَ چار ءُُ تپاسی گرگ بوت ۔ پاک اُرد ءِ شوبگ آئی ایس پی آر ءِ نیمگ ءَ چہ جاڑی بوتگیں بیان ءِ رد ءَ کمانڈر ءَ توا میں ھوپ ءُُ ترس آنی ھلاپ ءَ ملک ءِ دیمپانی کنگ ءِ جزم ءِ درشان کت ۔ پاک ُرد ءِ سروک جنرل قمر جاوید باجوہ ءَ دیوان ءَ گوں گشتانک دیان ءَ گوشت کہ ما پاکستان ءِ سلاھ بندیں اُرد ، توا میں راجی ادارگ ءُُ سرج میں راج ءِ کربانی ءُُ وت مہ وتی یک مشتیں کوشست ءِ بدولت ءَ توکی سلامتی ءُُ برجائی در جتگ، ما کجام ھم مول ءُُ مراد ءِ واستہ کربانی آنی برورد آناں رائیگاں کنگ ءَ نیلاں ۔ آئی ءَ گوشت کہ پاک اُرد ریاست ءَ یک آرگن ءِ بستار ءَ کانود ءِ وڑیں ءُُ وھد ءِ گوشگ بیت، راجی ادارگ ءِ کمک ءِ واستہ وتی پرز آنی پیلو کنگ ءَ اچ چک ءُُ پد نہ باں ۔ آئی ءَ گوشت کہ پاکستان ءِ سلاھ بندیں اُرد راجی ادارگ ءُُ راج ءِ کمک ءَ ھمک رنگ ءِ چیلنج آں ھوار رودراتکی سیم سر ءُُ ایل او سی ءِ سر ءَ کجام ھم نمونگ ءِ بیم ءُُ ترس ءَ گون دست پنجگ بوھگ ءَ تیار ءُُ جزمیگ انت ۔ آئی ءَ گوشت کہ دژمن ءَ را پروش دیگ ءِ واستہ المی انت کہ راجی جیڈھ آنی سر ءَ توا میں پریک وت مہ وت یکوئی ءَ را برجا دارگ المی انت ۔
