اسلام آباد ۔ 4 نومبر (اے پی پی) پاکستان تحریک انصاف ( پی ٹی آئی ) ءُُ ھمبراھ داری کنوکیں پارلیمانی پارٹی ءَ مزن وزیر عمران خان ءُُ حکومت ءِ کار کردی ءِ سر ءَ سرج میں دل یکیمی ءِ درشان کنان ءَ گوشت کہ استیں حکومت ءِ جوانیں کار ملک ءِ جوڑیشت ءَ بُن پد سہرا بنت، مزن وزیر ءِ وژن ءِ رد ءَ پاکسان ءَ را ریاست ءِ مدینہ ءِ نمونگ ءِ اسلامی ریاست ءِ جوڑ کنگ ءَ وتی کرد ءَ پیلو کناں ۔ دو شمبے ءَ مزن وزیر عمران خان ءِ سروکی ءَ پاکستان تحریک انصاف ءُُ ھمبراھ داریں پارٹی آنی دیوان ءِ برجم دارگ بوت ایشی یے یک منوگری ءِ تپاکی ءَ گوں منگ بوت ۔ منوگری ءِ تہ ءَ گوشگ بوت کہ حکومت ءِ توا میں ھمبراھیں گل، استیں حکومت ءُُ مزن وزیر عمران خان ءِ سر ءَ سرج میں دل یکیمی ءَ کناں ءُُ اے گال ءِ درشان ءَ کنان کہ استیں حکومت ملکی دیمروئی ءُُ جوڑیشت ءَ یک جوانیں بُن پد ءِ سہرا بیت، ما یک ءُُ دگر ءَ گوں تپاک کنان کہ مزن وزیر ءُُ حکومت ءِ کار کرد ءِ سر ءَ سرج میں دل یکیمی ءَ کناں ، ما پارلیمنٹ ءَ را جمہوری رنگ ءَ مستر ءُُ برجا کنگ ءَ وتی کرد ءَ پیلو کناں ۔ منوگری ءِ تہ ءَ گوشت بوت کہ استیں جاور آنی تہ ءَ حکومت ءِ سول ءُُ ترانی کمیٹی ءِ کرد سک باز ارزشتی بوتگ ءُُ ما ایشی ءِ سر ءَ سرجمی ءَ گوں تپاک کناں ۔ منوگری ءَ پاکستان ءِ استیں معاشی، سفارتی ، انتظامی ءُُ ایندگر ٹوھیں جیڈھ آنی گیواری ءِ واستہ مزن وزیر ءُُ حکومت ءَ را سرج میں کمکی ءِ دل یکیمی ءَ دیاں ءُُ اے جزم ءِ درشان کنگ بوت کہ انشاء اللہ مزن وزیر عمران خان ءِ وژن ءِ رد ءَ پاکستان ءَ را مدینہ ءِ ریاست ءِ نمونگ ءِ اسلامی ریاست ءُُ گہبودی ریاست ءِ جوڑ کنگ ءَ وتی وتی کرد ءَ پیلو کناں ۔
