اسلام آباد ۔ 4 نومبر (اے پی پی) وزیر ءِ درئی کار مخدوم شاہ محمود قریشی ءَ کوالالمپور ءَ آئل ءُُ گیش سیکٹر ءِ نامداریں پبلک سیکٹر کمپنی پیٹرونا کورپوریشن ءِ کارگس ءِ تر ءُُ تاب کت ءُُ پیٹرونا کارپوریشن ءِ نیمگ ءَ پاکستان ءَ سرمایہ کاری ءِ واھشت مندی ءَ را وش اتک کت ۔ وزیر ءِ درئی کار ءَ پیٹرونا کارپوریشن ءَ سی ای او پیٹرونا ایل این جی اظہر یزید جعفر، بزنس ڈویلپمنٹ ءِ سروکی ءَ زوہیری، ایل این جی مارکیٹنگ ءِ سروکی ءَ حیرل فیضی محمد ءَ ھوار ٹوھیں ٹوھیں مردم آں گوں گند ءُُ نند کت ۔ اے گند ءُُ نند کوالالمپور ءِ بُرز ءُُ بالائیں ماڑی پیٹرونا ٹاور ءَ کارپوریشن ءِ کارگس ءَ بوت اَنت ۔ گند ءُُ نند ءِ ساھت ءَ پیٹونا کارپوریشن ءِ ٹوھیں کارندہ آں وزیر ءِ درئی کار ءَ ر ا سرپد کت کہ پیٹونا کارپوریشن ءِ کوھنیں واھشت ات کہ آ پاکستان ءَ ھاٹیگ ءِ شوبگ ءَ سرمایہ کاری بکنت بلے گوستگیں دھ سال آنی کوشست ءَ ابید واھشت سرجمی پیلو نہ بوت اَنت ۔ وزیر ءِ درئی کار شاہ محمود قریشی ءَ گوشت کہ پاکستان، ملائیشیا ءِ گوما دو نیمگی وت مہ وتی آناں سک باز ارزشت دنت ۔ آٗی ءَ گوشت کہ معاشی ءُُ تجارتی کمک آنی دیمروئی مئے حکومت ءِ اولی بنداتی کار انت ۔ مخدوم شاہ محمود قریشی ءَ گوشت کہ پیٹرونا کارپوریشن ھاٹیگ ءِ شوبگ ءَ کار کنوکیں ملائیشیا ءِ مزنیں پبلک سیکٹر کمپنی ءِ تہ ءَ چہ یک ات ما پیٹرونا کورپوریشن ءِ نیمگ ءَ چہ پاکستان ءَ سرمایہ کاری ءِ واھشت ءَ را وش اتک کناں ۔ وزیر ءِ درئی کار ءِ شرپ ءَ ہائس ٹی ءِ بندوبست کنت بوت ایشی ءِ تہ ءَ کوالالمپور ءَ پاکستانی ہائی کمشنر آمنہ بلوچ ءَ ھوار سفارت خانہ ءِ کلانہ ایں کارندہ ھم شریک اتنت ۔ پیٹرونا کارپوریشن ءِ کارندہ آں وزیر ءِ درئی کار ءِ آیگ ءِ پد ءَ شگر ءُُ منت واری گپت ۔
