اسلام آباد ۔ 04نومبر (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ پولیو نا چٹفنگ کن ہلہلئی بنداو تیا گچین گام گیج آتے المی کننگ انگ ءِ، پولیو آن بچفنگ نا اسٹ انگا ایسر انسداد پولیو پڑی ءِ، لمہ وباوہ چناتے انسداد پولیو نا پڑی ضرور کنفر ۔ داخیال آتا درشانی ءِ او دوشنبے نادے آ پولیو آن بچفنگ نا بابت اڈ ہلوک آ دیوان آن تران کرسا کرے ۔ ڈاکٹر ظفر مرزا پارے کہ پولیو نا چٹفنگ کن ہلہلئی بنداو تیا گچین گام گیج آتے المی کننگ انگ ءِ ۔ ہراعلاقہ غاتے ٹی پولیو نا کیس زیات پیش بس ہموڑے راجی سروسز نا ایلو ڈٹ آتا ہم بناءِ کننگ اُن ۔ پولیو آن بچفنگ نا اسٹ انگا ایسر انسداد پولیو پڑی ءِ ۔ ڈاکٹر ظفر مرزا پارے کہ لمہ و باوہ چناتے انسداد پولیو نا پڑی ضرور کنفر ۔ ملک انا 20 ضلع غاتے ٹی انسداد پولیو مہم نا بناءِ کرینن ۔ اوپارے کہ ہدف 57لکھ آن زیات چناتے انسداد پولیوپڑی کنفنگ نا ءِ ۔ پنجاب و سندھ انا 6,6ضلع و بلوچستان نا 8 ضلع غاتے ٹی مہم ءِ ۔ پنجاب اٹی 28لکھ چناتے انسداد پولیو پڑی کنفنگ نا ہدف ءِ ۔ اوپارے کہ سندھ اٹی 17لکھ و بلوچستان اٹی 12لکھ آن زیات چناتے پڑی تننگک ۔
