کوالالمپور ۔ 04نومبر (اے پی پی) وزیر خارجہ مخدوم شاہ محمود قریشی پارینے کہ پاکستان تحریک انصاف ءِ ہراوخت آ حکومت ملا ننا معاشی حالیت خراب ئس ، غٹ معاشی ٹک آک زبوں حالی نا عکس ءِ پیش کریرہ، اسہ کنڈ معاشی نسخان ودسا کریکہ و ایلو کنڈنن وام تا بھاریم آن چور چور ئسن، دامچ آ حالیت آتا رداٹ ننے معاشی تنکی آن کشنگ کن بھازانگا مشکل فیصلہ غاتے کروئی تما ، دافیصلہ غاتا سوب اینو الحمد اللہ نن معاشی سوگوی نا کنڈاہِننگ اُن، معیشت ءِ ہُننگ کن جوڑ غٹ ٹک آک گچینی تننگ ءُ ۔ داخیال آتا درشانی ءِ او پاکستانی نژاد سلطانہ کلثوم آف پاہنگ نا کنڈآن تروک آ دے انا اِرغ اٹی کرے ۔ داوخت آ مادام سلطانہ کلثوم آف پاہنگ وزیر خارجہ ءِ جم و جوش اٹ بخیر کرے ۔ اِرغ اٹی ملائیشیا نا پنی آ کاروباری شخصیت آک ہرافتے ٹی سیسکام کمپنی نا چیئرمین داتو سری لیوآریانہ یاکم، بی آر ڈی بی کنسٹرکشن کمپنی نا چیئرمین داتو سری اکبر خان، لم کاک ونگ یونیورسٹی نا چیئرمین داتو سری لم کاک ونگ، آٹی انجینئرنگ سروسز نا سی ای او جواد رضوی ، ناصر رضوی ، ایگزیکٹو ڈائریکٹر ویسٹر گروپ داتو وکرم مینن، چیئرمین امپیاناہوٹل عبداللہ فاروق ئسک ہم ساڑی ئسر ۔ داوخت آ وزیر خارجہ ملائشین بزنس کمیونٹی ءِ پاکستان اٹی زرکاری نا دوبروک وارخواہی و حکومت نا کنڈآن تروک آ آسراتی تیان معلومدار کرے ۔ اوپارے کہ پاکستان تحریک انصاف ءِ ہراوخت آ حکومت ملا ننا معاشی حالیت خراب ئس، غٹ معاشی ٹک آک ننا زبوں حالی نا عکسءِ پیش کریرہ، اسہ کنڈ معاشی نسخان ودسا کریکہ و ایلو کنڈ نن وام تا بھاریم آن چورچور ئسن، دا مچ آ حالیت آتا رداٹ ننے معاشی تنکی آن کشنگ کن بھاز انگا مشکل فیصلہ کروئی تما، دا فیصلہ غاتا سوب اینو الحمد اللہ نن معاشی سوگوی نا کنڈا ہِننگ اُن ۔ شاہ محمود قریشی پارے کہ 2019ء نا اولیکو سہ ماہی ٹی واپاری نسخان 35درسد وخت اس کہ مالی نسخان 36درسد اسکان کم مس، ریونیو نا مد اٹی 16ودکی مسنے، مثبت معاشی پالیسی تا سوب پیشن نا زرکارآتا پت بحال مس، تدوک آ مسہ سال اٹی اولیکو وار زرکاری نا کچ 340 ملین ڈالراسکان ہناسرمس و اسٹاک مارکیٹ اٹی 21 درسد اسکان گچینی نا رجحان خننگا، حکومت واپار اٹی آسانی ودی کننگ کن مخلصانہ کوشست کننگ ءِ ۔ واپار اٹی آسانی نا بابت جہانی بینک انا درجہ بندی ٹی نن 28 درجہ عبور کرسا ٹاپ ٹن ملک آتا صف اٹی اوار مسونن ۔ وزیر خارجہ ملائیشین بزنس کمیونٹی ءِ تعلیم، انفارمیشن ٹیکنالوجی توانائی، حلال فوڈز، آئیل اینڈ گیس و اڑزان اُراتا تفنگ تون اوار چندی بشخ آتے ٹی زرکاری نا سلہ خلک ۔
