اسلام آباد ۔ 04نومبر (اے پی پی) بنجائی دارالحکومت اسلام آباد اٹی آزادی مارچ اٹی بشخ ہلوک آتے یخ انا موسم تینا پنجہ ٹی ہلکونے ۔ آزادی مارچ اٹی ملک انا ایلو شارتیان بشخ آتابھلو کچ اس ساڑی ءِ ۔ دھرنا نا 90 بشخ ہلوک نزلہ ، زکام، جکہ نا سوب آن پمز ہسپتال آ سرمسر ۔ پمز ہسپتال نا ترجمان نا رداٹ اپوزیشن نا برانز اٹی اوار 30 مریض پمز انا ایمرجنسی ٹی اتنگا ۔ مریض آتا بھلو کچ اس او پی ڈی و ایمرجنسی ٹی ٹریٹمنٹ آن پد برانز اٹی پدی رادہ مسنو ۔ ترجمان نا رداٹ مسہ مریض ترند اِل انا سوب پمز ہسپتال اٹی داخل ءُ ۔ اسلام آباد نا یخ انا موسم نا سوب دھرنہ ٹی بشخ ہلوک آک موسمی ناجوڑی تا پلویڑ اٹی بننگ نا بناءِ کرینو ۔
