اسلام آباد ۔ 04نومبر (اے پی پی) چین نا قومی شونداری و اصلاحات کمیشن نا وائس چیئرمین لی ہی پنگ چین پاکستان اقتصادی راہداری نا بارواٹی اسیجا کمکار کمیٹی نا دیوان اٹی بشخ ہلنگ کن پاکستان آ سرمسنے ۔ دوشنبے نادے آ سی پیک نا مسکوہی ڈائریکٹر حسن داءود بٹ اودے بخیر کرے ۔ چین نا قومی شونداری و اصلاحات کمیشن نا وائس چیئرمین لی ہی پنگ گوادر اٹی 300 میگاواٹ نا بجلی گھر انا تفنگ نا بنداو ءِ تخنگ نا دود و اسیجا کمکار کمیٹی نا دیوان اٹی بشخ ہلیک ۔
