اسلام آباد ۔ 04نومبر (اے پی پی) وزیراعظم عمران خان پارینے کہ او اینو دوشنبے نادے ملکی تاریخ نا غٹ آن بھلا انڈر گریجویٹ اسکالر شپ پروگرام نا بناءِ کیک ۔ دوشنبے نادے آ تینا ٹویٹ اٹی اوپارے کہ دا پروگرام نا کمک اٹ بروک آ چار سال انا وخت اٹی 2لکھ اسکالر شپ تننگک و سالانہ 50 ہزار اسکالر شپ تننگ نا داپروگرام ءِ ۔ اوپارے کہ دا اسکالر شپ آتے ٹی 50 درسد بشخ زالبول نا مریک ہرانا مسخت احساس پروگرام نا رداٹ انسانی وسیلہ غاتا شونداری ءِ مون آ دننگ ناءِ ۔
