لاہور ۔ 2 نومبر(اے پی پی )صدر مملکت ڈاکٹر عارف علوی ءَ گوشت کہ امن ءُُُ ایمنی ایوکا پاکستان ءِ نہ بلکہ سرج میں دگنیا ءِ ضلورت انت،دگنیا ءَ تہ اے وھد ءَ جنگ ءَ نہ بلکے امن ءَ لوٹگ انت، پاک بھارت ءِ ھوار سیمی دگنیا ءِ ملک یک وڈیں جیڈھانی آماچ انت،اے جیڈھاں ءَ را پج ببان ءَ پرامنیں وڈ ءَ حل کنگ بیت تو خطہ ءِ تہ …
صدر مملکت ڈاکٹر عارف علوی ءِ یوتھ موبلائزیشن ان پیس بلڈنگ سیمینار ءَ گوں گشتانک
گیشتریں ھال
لاہور ۔ 2 نومبر(اے پی پی )صدر مملکت ڈاکٹر عارف علوی ءَ گوشت کہ امن ءُُُ ایمنی ایوکا پاکستان ءِ نہ بلکہ سرج میں دگنیا ءِ ضلورت انت،دگنیا ءَ تہ اے وھد ءَ جنگ ءَ نہ بلکے امن ءَ لوٹگ انت، پاک بھارت ءِ ھوار سیمی دگنیا ءِ ملک یک وڈیں جیڈھانی آماچ انت،اے جیڈھاں ءَ را پج ببان ءَ پرامنیں وڈ ءَ حل کنگ بیت تو خطہ ءِ تہ امن ءُُ وشھالی کائیت،مروچی مئے مراگش امن ءِ نیمگا یک مزنیں گام انت ایشی ءِ تہ سرج میں دگنیا ءَ چہ اتکگیں نودربرءَ را ایکٹو کنگ ءِ گہتریں کوشست کنگ بوتگ تنکہ جیڈھانی پرامنیں حل کشگ بیت ۔ آں ھپتگ ءَ ادا الحمراء ہال میں ’’انٹرنیشنل سٹوڈنٹ ویک ان پاکستان‘‘ ءِ چیردستی یوتھ موبلائزیشن ان پیس بلڈنگ ءِ عنوان ءَ گوں برج میں سیمینار ءَ گوں تران کنگ ات ۔ صوبائی وزیر میاں محمود الرشید ، صدر انٹر نیشنل سٹوڈنٹ ویک ان پاکستان ارقم ظہیر، جنرل سیکرٹری علی مصطفی ءِ ھوار ھاسیں مردماں ءُُ سرج میں دگنیا ءَ چہ اتکگیں 100چہ گیش نودربراں مراگش ءِ تہ بھرزوری کتگ ۔ صدرڈاکٹرعارف علویءَ گوشت کہ پاکستان ءِ تہ ورناہانی مزنیں کچ ساڑی انت ہمہ کہ پاکستان ءِ دیمروئی ءِ ھوار امن ءُُ ایمنی ءُُ بروبری ءِ کلوھ ءَ را تالان کنگ ءَ ھاسیں کرد ادا کت کن انت ۔ صدرپاکستان ءَ گوشت کہ زوربرتگیں کشمیر ءِ تہ انسانی ھقانی پادمالی کنگ بوھگا انت ءُُ کشمیریاں را بنیاتی ھقاں چہ زبہر کنگ بوتگ ایشی آسرءَ مروچی کشمیر بھارتی جارحیت ءِ سببءَ ھون ھون ءُُ بدامنی ءِ آماچ انت ۔ آہاں گوشت کہ سرج میں دگنیا اے وھد ءَ امن ءِ واھگدارانت ۔ جنگ ءِ تہ جیڈھانی حل نیست انت ،پاکستان ءُُ بھارت ءِ ھوار سیمی دگنیا ءِ ملکانی وڈ ءِ جیڈھانی آماچ انت ایشی ءِ ھاترا مارءَ پج ببان ءَ پرامنیں وڈ ءَ اے جیڈھانی حل کشگ بیت‘آزاد ءُُ پرامن ماحول بیت تو خطہ ءِ تہ وشھالی ءُُ دیمروئی بیت ۔ آہاں گوشت کہ مزن وزیر پاکستان عمران خان ءَ اے گپ جتگ کہ جنگ بندات کنگ آسان انت بلے ایشی ءَ را دارگ ءُُ ھلاس کنگ باز گران انت وھدیکہ جنگ ءِ وسیلگ ءَ امن ءُُ ایمنی پولگ ناممکن انت ۔ آہاں گوشت کہ انسان ءُُ روبوٹ ءِ تہ بنیاتی پرک فطرت ءُُ تب ءِ انت‘مارا وتی تب ءِ تہ بدلی آرگی انت اے ھاترا مزن وزیر عمران خان ءَ زینو فوبیا ءُُ اسلاموفوبیا ءَ را ھلاس کنگ ءِ گپ جنءگ انت ۔ آہاں وت گوشتگ کہ ورناہ ءُُ نودربرملک ءِ تہ آلودگی ءِ سر اگرودار آرت کن انت ۔ آہاں سرج میں دگنیاءَ چہ اتکگیں نودربران پاکستان ءَ آھگ ءِ سرا منت گپتگ انت ۔ اے موہ ءِ سرا صوبائی وزیر میاں محمود الرشید ءَ ھم تران کتگ وھدیکہ مراگش ءِ گڈی بھر ءَ درملکی نودربراں صدر مملکت ءِ گوما گروپ عکس ھم جوڈ کنائنتگ ۔
