ھاسیں کمکار اھوالکاری ءُُ شنگ کاری ڈاکٹر فردوس عاشق اعوان ءِ بنجاھی وزیر ءِ ھمبراھی ءَ یکجاھی پریس کانفرنس ءَ گشتانک

اسلام آباد ۔ یکم نومبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ ملک ءَ گیر اخلاقی گامگیج آناں سہرا کنوکیں مسلم لیگ (ن) ءِ سروک مرچی ھم جمہوری حکومت ءِ ھلاپ ءَ پندل آنی ساچگ ءَ دزگٹ آں ، سی پیک گیشینتگیں ھد ءُُ ابیل آنی رد ءَ ترندی ءَ گوں دیم ءَ جنزگ ءَ انت، سی پیک ءِ ھلا پ ءَ پروپیگنڈا کنوک ملک ءُُ راج ءِ دژمن اَنت ۔ اے ھیالانی درشانی آنی ءَ پلاننگ کمیشن ءَ بنجاھی وزیر شیخ رشید احمد ءُُ عمر ایوب ءِ ھمبراھی ءَ پریس کانفرنس ءَ گوں گشتانک دیان ءَ کت ۔ اے ھیالانی درشانی آئی ءَ پلاننگ کمیشن ءَ بنجاھی وزیر شیخ رشید احمد ءُُ عمر ایوب ءِ ھمبراھی ءَ یکجائی پریس کانفرنس ءَ گوشتانک دیان ءَ کت ۔ آئی ءَ گوشت کہ پاکستان ءِ راجدپتر ءَ اچ سیاسی حکومت ءِ اپوزیشن ءَ جاک ءُُ کوکار کنگ ءِ اے رنگیں درشان نہ کتگ ھمے رنگیں کہ پی ٹی آئی حکومت ءَ کتگ، چم ءِ سوچوکیں گیس، ربڑ ءِ تیر ءُُ واٹر کینن ءِ کارمردی گستائیں گپ اَنت ، استیں حکومت ءَ مزن جگری ءِ درشان کتگ، ایشاں جمہوریت ءِ پوشاک گورا کتگ ایشانی دل بگیر اِنت ۔ آئی ءَ گوشت کہ ھما مردم آں ملک ءَ را شرد ءِ تہ ءَ دھکا داتگ ھمشانی سبب ءَ معیشت کوچنڈگ ءَ انت ، آ مرچی کنٹینر ءِ سر ءَ اوشتگ ءَ گندگ بنت ۔