زالبول صحافی و اینکرز آتیا آزادی مارچ انا کوریج نا پابندی آئین نا خلاف ورزی ءِ، مسکوہی بنجائی وزیر کانود ڈاکٹر بابر اعوان نا بیان

اسلام آباد ۔ 01نومبر (اے پی پی) مسکوہی بنجائی وزیر کانود ڈاکٹر بابر اعوان پارینے کہ زالبول صحافی تے آزادی مارچ انا کوریج آن توننگ آئین نا خلاف ورزی و سیاسی شعور نا توہین ءِ ، زالبول آتا حق انا ہیت کروک آ تنظیمک نوٹس ہلیر ۔ جمعہ نادے تینا اسہ بیان اسے ٹی ڈاکٹر بابر اعوان زالبول صحافی و اینکرآتیا کوریج کننگ نا پابندی ءِ آئین نا خلاف ورزی گوندسا پارینے کہ زالبول آتے سیاسی سرجز آتے ٹی بشخ ہلنگ آن توننگ آئین نا آرٹیکل 25 نا خلاف ورزی ءِ ۔ ڈاکٹر بابر اعوان پارے کہ زالبول ملک انا گیشتری آبادی ءِ، اوفتیا پابندی نا فیصلہ سیاسی شعور نا توہین ءِ، زالبول آتا حق انا ہیت کروک آ تنظیمک دا فیصلہ نا نوٹس ءِ ہلیر ۔ ڈاکٹر بابر اعوان پارے کہ زالبول آتا بشخ ہلنگ آن بیدس قیام پاکستان نا تحریک سرسہب مننگ کتوکہ و گودی فاطمہ جناح نا کڑد دانا پیدوار ءُ مثال اسے ۔