جہانی رحمت اللعالمین کانفرنس 10 نومبر آ اسلام آباد اٹی مریک، کانفرنس نا بنائی سیشن نا کماشی ءِ وزیراعظم عمران خان ، ایسری سیشن نا کماشی ءِ صدر مملکت ڈاکٹر عارف علوی کیک

اسلام آباد ۔ 01نومبر (اے پی پی) خواجہ نبی پاک ﷺ نا ودی دے ءِ اڈتننگ کن جہانی رحمت اللعالمین کانفرنس 10 نومبر آ اسلام آباد اٹی اڈہلیک ۔ اینخو سال کانفرنس نا سرحال ’’ریاست مدینہ و جدید اسلامی فلاحی ریاست نا تصور‘‘ تعلیمات نبوی ﷺ ءِ مون آ تخسا مریک ۔ وزارت مذہبی امور نا ذراءع نا رداٹ کانفرنس نا بنائی سیشن نا کماشی ءِ وزیراعظم عمران خان وخت اس کہ ایسری سیشن نا کماشی ءِ صدر مملکت ڈاکٹر عارف علوی کیک ۔ کانفرنس اٹی جہانی شہرت تخوک جید علمائے کرام تے بشخ ہلنگ نا سلہ خلنگانے ۔ سعودی عرب، ایران، مصر، عمان، عراق، تیونس و شام آن عالم و ڈل آک بشخ ہلیرہ ۔ بشخ ہلوک آتے ٹی پیشن نا ملک آن مفتی اعظم عمان، وائس چانسلر جامعہ الا اظہر و مدینہ یونیورسٹی نا پروفیسر آک اوار مریرہ ۔ اینخو سال قبلہ اول مسجد اقصی نا امام ءِ ہم کانفرنس اٹی بشخ ہلنگ نا سلہ خلنگانے ۔