وزیراعظم عمران خان گلگت بلتستان نا دورہ ٹی چندی شونداری ڈٹ آتا بنداو ءِ تخک

اسلام آباد ۔ 01نومبر (اے پی پی) وزیراعظم عمران خان گلگت بلتستان نا دورہ ٹی چندی شونداری ڈٹ آتا بنداو ءِ تخک ۔ دا ڈٹ آتے ٹی سکردو ٹی 26میگاواٹ نا شگر تھان ہائیڈرو پاور پروجیکٹ ، 34;46;5میگاواٹ نا ہائیڈرو پاور پروجیکٹ و سکردو ٹی 250 کٹ آتا ہسپتال نا بنداو ءِ تخنگ آن بیدس گلگت بلتستان اٹی رینجل گریڈ فیزون نا ڈٹ اوار ءِ ۔ 26میگاواٹ نا شگر تھان پن بجلی آ نظرثانی مروک اولیکو منظور مروک خڑچ 4ارب 84کروڑ روپئی و ارٹ میکو نظرثانی شدہ پی سی ون نا خڑچ 7 ارب 11کروڑ روپئی ءِ ۔ دا ڈٹ گلگت بلتستان نا بجلی و دیر انا محکمہ ءِ پورو کیک و دا 48 تُو اٹی پورو مریک ۔ ڈٹ آن بجلی نا دوئی کننگ کن 132کے بی کے 16کلومیٹر مریس ٹرانسمیشن لین و اِراگریڈ اسٹیشن جوڑ کننگک وخت اس کہ اِراپول و پاور ہاءوس آن 10کلومیٹر مریس روڈ انا جوڑ کننگ تون اوار 18 کلومیٹر نا ساڑی آ اِرارویہ روڈ ءِ جوڑ کننگک ۔ وزیراعظم سکردو آن کم و ود 75 کلومیٹر قطب دیکی 34;46;5میگاواٹ نا پن بجلی ڈٹ انا ہم بنداو ءِ تخک، ہراڑا پی سی ون نا رداٹ خڑچ انا کساس 9 ارب 50 کروڑ روپئی ءِ دا ڈٹ ءِ واپڈا پورو کیک ہراڑا 72تُو انا وخت لگک ۔ داڈٹ انا رداٹ دریائے سندھ آ اسہ پول اسے تون اوار پاور ہاءوس اسکان 1;46;5کلومیٹر مریس روڈ اتون اوار اوار 9;46;5کلومیٹر ساڑی آ روڈ ءِ ہم گچین کننگک ۔ وزیراعظم گلگت بلتستان اٹی فیزون نا رداٹ علاقائی گریڈ انا قیام نا ڈٹ آتا ہم بنداو ءِ تخک ہراڑا منظور مروک خڑچ انا کساس 4ارب 95کروڑ 91لکھ آن زیات ءِ و دا ڈٹ 48 تُو اٹی پورو مریک ۔ ڈٹ انا رداٹ 132کے وی نا 195کلومیٹر و 66کے وی نا 54کلومیٹر مریس ٹرانسمیشن لین تالان کننگک و 132;47;66;47;11کے وی نا چار و 66;47;11کے وی نا اِرا گریڈ سٹیشن جوڑ کننگک ہرافتے گلگت، ہنزہ ، نگر، استور ، سکردو (ہرپو) تون ملفنگک ۔ گلگت بلتستان نا بجلی و دیر انا محکمہ دا ڈٹ آتے پورو کیرہ ۔ وزیراعظم عمران خان سکردو ٹی اولیکو مرحلہ نا رداٹ 250 کٹ آتا ہسپتال اسے ناہم بنداو ءِ تخک ، ارٹ میکو مرحلہ ٹی ہم 250 کٹ آتا ودکی کننگک ۔ دا ہسپتال آن 6لکھ بندغ ءِ درمان نا آسراتی دوئی مریک ۔ داڑا اولیکو مرحلہ ٹی خڑچ انا کساس 3ارب روپئی و اینخو مالی سال 2019-20ء نا بنجائی پی ایس ڈی پی ٹی 40 کروڑ روپئی جتا کننگانے ۔ دا ہسپتال حسین آباد سکردو ٹی جوڑ کننگک و داڑکن 500 کینال ڈغار جتا کننگانے ۔