کوءٹہ ۔ 31اکتوبر (اے پی پی) ترجمان حکومت بلوچستان لیاقت شاہوانی پارینے کہ محکمہ کشت وکشار ءِ پوسکن آ وڑوڈول آتیا اتنگ وخت انا اہم ءُ گرج اسے محکمہ کشت وکشار نا پیدواری لاءخی ءِ ودفسا بزغر آتے پوسکن آ آسراتی فراوان کننگک، وزیراعلیٰ بلوچستان جام کمال خان بزغر آتا گرج آتے مون آ تخسا گرین ٹریکٹر اسکیم نا منظوری ءِ تسنے دا اسکیم نا رداٹ ہر سال بزغر آتے …
محکمہ کشت وکشار ءِ پوسکن آ وڑوڈول آتیا اتنگ وخت انا اہم ءُ گرج اسے محکمہ کشت وکشار نا پیدواری لاءخی ءِ ودفسا بزغر آتے پوسکن آ آسراتی فراوان کننگک، ترجمان حکومت بلوچستان لیاقت شاہوانی
گیشتریں ھال
کوءٹہ ۔ 31اکتوبر (اے پی پی) ترجمان حکومت بلوچستان لیاقت شاہوانی پارینے کہ محکمہ کشت وکشار ءِ پوسکن آ وڑوڈول آتیا اتنگ وخت انا اہم ءُ گرج اسے محکمہ کشت وکشار نا پیدواری لاءخی ءِ ودفسا بزغر آتے پوسکن آ آسراتی فراوان کننگک، وزیراعلیٰ بلوچستان جام کمال خان بزغر آتا گرج آتے مون آ تخسا گرین ٹریکٹر اسکیم نا منظوری ءِ تسنے دا اسکیم نا رداٹ ہر سال بزغر آتے 1000 ٹریکٹر ز آسان قسط و سبسڈائزڈ سرکاری نہاد اٹی فراوان کننگک ۔ ترجمان صوبائی حکومت لیاقت شاہوانی پارے کہ صوبائی حکومت کوشست کننگ ءِ کشت و کشار نا بشخ ءِ پوسکن آ وڑوڈول آتیا اتسا داٹی انوسٹمنٹ ءِ ودفنگے تانکہ صوبہ نا کشاری گرج آتے جوانی اٹ پورو کننگ مرے، اوپارے کہ ساڑی صوبائی حکومت وزیراعلیٰ بلوچستان جام کمال خان نا کماشی ٹی تعلیم، جان جوڑی و انفراسٹرکچر تون اوار اوار کشت وکشار نا بشخ آہم خصوصی چکار کننگ ءِ تانکہ کشت وکشار نا بشخ اٹی جدت اتسا صوبہ نا کشاری گرج آتے پورو کننگ مرے ۔
