اسلام آباد ۔ 31اکتوبر (اے پی پی) وزیر مملکت انسداد و منشیات سیفران شہریار آفریدی کراچی آن راولپنڈی آ ہنوک آ تیز گام ایکسپریس ءِ رحیم یار خان اٹی پیش بروک آ شکست اٹی نہادی جان تا زیان آ ڈکھ و است ہسونی نا درشانی ءِ کرینے ۔ پنچ شنبے نادے آ تینا ہڑزخواہی کلہو اٹی وزیر مملکت پارے کہ انسانی جان تا زیان نا ہچ ءُ نعم البدل اس مننگ کپک ، شکست اٹی نہادی جان تا زیان آ دلی ڈکھ مسنے ۔ اودعا کرے کہ اللہ تعالیٰ زوال کروک آ بندغ آتا بخشش ءِ کے ، ٹھپی تے زوت جان جوڑ کے وغمزدہ خاہوت ءِ صبر کننگ نا توفیق ایتے ۔
