اسلام آباد ۔ 31اکتوبر (اے پی پی) چیئرمین سینیٹ محمد صادق سنجرانی رحیم یار خان نا علاقہ ٹی کراچی آن راولپنڈی آ ہنوک آ ٹرین تیز گام ایکسپریس اٹی گیس سلنڈر نا ترخنگ آن خاخر لگنگ آن 56بندغ نا زوال و 34 نا ٹھپی مننگ آ ڈکھ و است ہسونی نا درشانی ءِ کرسا خاہوت تون ہڑزخواہی و ہمدردی نا درشانی ءِ کرے ۔ پنچ شنبے نادے آ سینیٹ سیکرٹریٹ آن جاری مروک آ بیان نا رداٹ چیئرمین سینیٹ دا شکست اٹی ٹھپی مروک آتے گچین طبی آسراتی تا فراوانی آ زور شاغسا اوفتا زوت جان جوڑی کن دعا کرے ۔ داکان بیدس ڈپٹی چیئرمین سینیٹ سینیٹر سلیم مانڈوی والا ، قائد ایوان سینیٹ سینیٹر سید شبلی فراز و قائد حزب اختلاف راجہ محمد ظفر الحق ئسک ہم ٹرین شکست اٹی مروک آ جانی نسخان آ است ہسونی نا درشانی ءِ کرسا پدسلوک آخاہوت آتون ہڑزخواہی کرینو و پارینو کہ او فک ٹھپی تا زوت جان جوڑی کن دعاگو ءُ ۔
