باسک قومی اسمبلی غلام بی بی بھروانہ نا تیز گام ایکسپریس اٹی خاخر لگنگ اٹی نہادی جان تا زیان آ است ہسونی نا درشان

اسلام آباد ۔ 31اکتوبر (اے پی پی) پاکستان تحریک انصاف نا باسک قومی اسمبلی غلام بی بی بھروانہ تیز گام ایکسپریس اٹی خاخر لگنگ اٹی نہادی جان تا زیان آ ڈکھ و است ہسونی نا درشانی ءِ کرینے ۔ اوزوال کروک آ بندغ آتا درجہ غاتا بڑزی کن دعا کرسا پارے کہ ہندی انتظامیہ نا کنڈآن وخت آ ریسکیو آپریشن نا سوب آن بھاز انگا نہادی جان تے بچفنگانے ۔ ’’اے پی پی‘‘ تون گپ وتران کرسا اوپارے کہ بنائی جاست وپاست آن پد معلوم مسنے کہ ٹرین شکست گیس سلنڈر نا ترخنگ نا سوب آن پیش بسنے ۔ اوتیز گام ایکسپریس شکست اٹی ٹھپی بندغ آتا زوت جان جوڑی کن دعا کرے پارے کہ دابندغ آتے ہروڑنا طبی آسراتی تننگ انگ ءِ ۔ باسک قومی اسمبلی غلام بی بی بھروانہ پارے کہ مچ آ قوم غمزدہ خاہوت آتا ڈکھ اٹی بریبر نا شریک ءُ ۔