اسلام آباد ۔ 31 اکتوبر (اے پی پی) بنجائی وزیر ریلوے شیخ رشید احمد پارینے کہ رحیم یار خان اٹی ٹرین نا است ہسون شکست اٹی زوال کروک آتا خاہوت آتے 15، 15لکھ و ٹھپی تے 5، 5لکھ روپئی معاوضہ تننگک ۔ پنچ شنبے نادے آ اسہ بیان اسے ٹی اوپارے کہ ٹرین نا اِرابوگی تبلیغی جماعت نا ہندی امیر، امیر حسین بک کرفیسس و او زندہ ءِ و غٹ بندغ آتا معلومداری اوڑتون ارے ۔ اوپارے کہ شکست مسافر آتون اِرا گیس سلنڈر و اسہ چولہا سے نا ترخنگ آن مس ۔ شیخ رشید پارے کہ امدادی سرجزآتا جاچ ءِ ہلنگ کن دمدستی وڑاٹ رحیم یار خان آ سرمننگ اٹی اُٹ ۔
