بحر ہند ئَ ایٹمی وتاس آنی پٹ کنگ ئُُ اُردی چست ئُُ ایر آں چہ دمگی ایمنی ئَ را بیم اِست اِنت، ما وتی وتی راجی نپ ئُُ سیت ئَ چہ شر سر پد آں ئُُ گیش بوھوکیں میری ٹائم سیکورٹی ئَ گوں دیم پہ دیم بوت کناں،
اسلام آباد ۔ 11 فروری (اے پی پی) درئی کارانی مشیر سرتاج عزیز ئَ گوشتگ کہ ہند ئِ سر ڈگار ئَ ایٹمی وتاس آنی پٹ کنگ ئُُ اُردی چست ئُ ایر آں چہ دمگی ایمنی ئَ را ٹوھیں بیم است اِنت۔ ما وتی راجی نپ ئُُ سیت ئَ چہ سرجمی ئَ سرپد آں ئُُ گیش بوھوکیں میری ٹائم سیکورٹی ئَ گوں دیم پہ دیم بوت کناں۔ پاکستان وتی سرڈاگار ئُُ زر ئِ تہ ئَ اُردی کشک آنی پاسبانی ئَ شرزانت ئُُ برجائی ئَ زمینی ئُُ آپی کشک آں کنگ ئَ اِنت۔ پاکستان اے پڑے ھُشکی ئِ سیمی مستریں ملک اِنتئُُ ہند ئِ پڑ ئَ ایمن ایں نیوی گیشن ئُُ سلامتی ئَ پاکستن ئِ دیمروئی بندوک اِنت۔ حکومت زرّئَ سیکورٹی ئَ مھکم کنگ ئِ ھاترا توامیں گامگیج آں کنگ ئَ اِنت۔درئی کارانی مشیر سرتاج عزیز ئَ گوں میری ٹائم میاں اوستمانی کانفرنس ئِ بنگیجی دیوان ئَ گوں تران کناں اَت۔میاں اوستمانی تھجارت ئِ مستریں بھر ہند ئِ پڑ ئَ زرّ ئِ کشک ئَ بیت۔ مشیر ئِ درئی کار ئَ گوشت کہ پاکستان ئِ تجارت ئِ مستریں بھر ھمے کشک ئَ چہ گوزیت۔ آئی ئَ گوشت کہ اے پڑ ئَ رامھکم ئُُ ایمن دارگ ئِ ھاترا جوانی ئَ مھکمیں اُردی برجائی کنگ بوھگ ئَ اِنت۔ آ¾ی ئَ گوشت کہ جنگ ئَ چہ دیمروئی ئِ پند آماچ بیت۔ آئی ئَ گوشت کہ مھکمیں دیمروئی ئِ ھاترا یکجائی نپ آناں کمک ئِ ھاتا توامیں دمگی ملک آنی مزنیں کرد اِت۔ سرتاعزیز ئَ گوشت کہ پاکستان ئِ پڑ ئَ میری ٹائم سیکورٹی ئَ ٹوھیں کرد ئِ پیلو کنگ ئَ اِنت۔ پاکتان کولیشن میری ٹائم کمپئین پلان ئِ بھراِنت ئُُ پاکستان اولی ملک بوتگ کہ آئی ئَ ناشرکاری ئِ ھلاسی ئِ ھاترا ، بنی آدم ئُُ منشیات شپوکی کنگ ئِ گر ئُُ دار ئِ ھاترا ایندگہ ملک آنی ھمبراھی ئَ ٹاسک فورس 150ئَ پھر زوری کتگ۔
