فوجداری کانود ءِ ھوالگ ءَ 100 ترمیم ءِ ھواریں بل ءِ سر ءَ قائمہ کمیٹی ءِ نیمگ ءَ چار ءُ تپاسی کنگ بوھگ ءَ اِنت، اپوزیشن ءَ را کانود سازی ءِ عمل ءَ تکنیکی ءُ عملی کرد پیلو کنگی اِنت، وفاقی کانود ءِ وزیر اعظم نذیر تارڑ

اسلام آباد۔22جون  (اے پی پی): کانود ءُ انصاف ءِ وفاقی وزیر اعظم نذیر تارڑ ءَ گوشت کہ حکومت ءَ راجی اسمبلی ءَ فوجداری کانود آنی ھوالگ ءَ 100 ترمیم ءِ ھواریں بل پیش کتگ کہ اے وھد ءَ ایشی ءِ سر ءَ قائمہ کمیٹی ءِ تہ چار ءُ تپاسی کنگ بوھگ ءَ اِنت۔ اے بابت ءَ خیبر پختونخوا سرکار ءِ رائے ھم لوٹگ بوتگ بلے انگت ءَ آئی ءِ پسو نہ رستگ۔ اپوزیشن ءَ را قانون سازی ءِ عمل ءَ تکنیکی ءُ عملی کرد پیلو کنگی اِنت۔ دو شمبے ءِ روچ ءَ راجی اسمبلی ءَ اپوزیشن ءِ باسک گوہر علی خان ءِ نیمگ ءَ چست کتگیں نکات آنی پسو ءَ وفاقی کانود ءِ وزیر اعظم نذیر تارڑ ءَ گوشت کہ ہائیر عدلیہ ءِ ھوالگ ءَ نمائندگی ءُ طریقہ کار ءَ را گہتر کنگ ءِ واستہ رھبند آنی تہ ءَ ترمیم کنگ بوتگ، ایشی ءِ چیر دستی ءَ نوں 2018 ءَ ہائی کورٹ ءِ باسک آناں ھم 2018 ءِ واستہ جج ءِ کمیٹی جوڑ کنگ بوتگ۔ آئی ءَ گوشت کہ پاکستان ءِ چیف جسٹس ءِ کرد آئین ءُ انتظامی رنگ ءَ انت ءُ ایشی ءِ ھچ وڑیں سیاسی عمل ءَ گوں سیادی نیست۔ ایوک ءَ گشتانکاں چہ قانون ءِ بالادستی، پارلیمنٹ ءِ بالادستی یا اے دگہ جیڈھ گیش ءُ گیوار نہ بنت بلکیں آئی ءَ را قانون سازی ءِ عمل ءَ ٹیکنیکل ءُ عملی کرد پیلو کنگی بیت۔ آئی ءَ اے گپ ءِ پدرائی کت کہ حکومت عدالتی عمل ءَ مداخلت نہ کن اَنت، آمید گس ءِ نیمگ ءَ چہ داتگیں سزا آنی تہ ءَ ھم حکومت ءِ ھچ کرد نیست، اگاں کجام ھم پیسلہ ءِ سر ءَ بُک کگگ ھست گڈا ایشی ءِ سر ءَ اپیل کنگ بیت کنت۔ آئی ءَ گوشت کہ فوجداری ضابطہ ءِ تہ ءَ 100 ءِ نزیک ءَ ترمیم کنگ بوتگ ءُ اے بل راجی اسمبلی ءَ پیش کنگ بوتگ وھدے کہ نوں قائمہ کمیٹی ءَ اِنت۔ مئے اپوزیشن ءَ گوں دزبندی انت کہ آ پدا قائمہ کمیٹیانی تہا بیا انت ءُ اودا وتی کرد ءَ پیلو بہ کن انت۔ اے جیڑہ ایوک ءَ قانون ءِ حاکمیت ءِ درس ءِ وانینگ ءَ گیش ءُ گیوار نہ بنت۔ ایشی ءِ ھاترا لھتیں تکنیکی کار کنگ لوٹ اَنت۔ ایشی ءِ تہا اپوزیشن ہم وتی کرد ءَ پیلو بہ کنت۔ ما اے ترمیمانی بابت ءَ خیبر پختونخوا سرکار ءِ رائے لوٹ اِتگ اَت بلے انگت ءَ چہ آھاں ھچ وڑیں پسو نہ رستگ۔ اے سرجم ءَ غیر سیاسی مٹ ءُ بدلی  اَنت۔