اسلام آباد۔22جون (اے پی پی): مزن وزیر محمد شہباز شریف ءَ گپ ءُ تران ءِ عمل ءِ سرا امریکہ ءُ ایران ءِ حکومت آناں شگر ءُ منت گپت ءُ دوستیں ملک آنی شگر ءُ منت گپت کہ آہاں سفارتی عمل ءَ را دیم ءَ برگ ءِ واستہ وتی کرد پیلو کتگ ایشی ءِ آسر ءَ جوانیں ءُ جوڑیشت ءِ گپ ءُ تران بوتگ ءُ دیمروئی ءِ دلبڈی بوتگ۔ مزن وزیر …
مزن وزیر شہباز شریف ءَ امریکہ ءُ ایران ءِ حکومت ءَ را گپ ءُ تران ءِ عمل ءُ جوڑیشت ءِ برجائی ءِ سرا وتی جزم ءِ رد ءَ توسیپ ءُ ستا
گیشتریں ھال
اسلام آباد۔22جون (اے پی پی): مزن وزیر محمد شہباز شریف ءَ گپ ءُ تران ءِ عمل ءِ سرا امریکہ ءُ ایران ءِ حکومت آناں شگر ءُ منت گپت ءُ دوستیں ملک آنی شگر ءُ منت گپت کہ آہاں سفارتی عمل ءَ را دیم ءَ برگ ءِ واستہ وتی کرد پیلو کتگ ایشی ءِ آسر ءَ جوانیں ءُ جوڑیشت ءِ گپ ءُ تران بوتگ ءُ دیمروئی ءِ دلبڈی بوتگ۔ مزن وزیر ءَ پروکوکس ءِ سر ءَ وتی کلوہ ءِ تہ ءَ گوشت کہ الحمد اللہ سوئٹزرلینڈ ءِ شہر برگن ءَ اسلام آباد تپاک نامہ ءِ چیر دستی ءَ کمیٹی ءِ اولی مزن تک ءِ دیوان سوبمندیں رنگ ءَ آسر بوھگ ءَ اِنت۔ آئی ءَ گوشت کہ گپ ءُ تران جوانیں ءُ جوڑیشت ءِ تہ ءَ بوتگ ءُ دلبڈی ءِ پیشرفت بوتگ، ایشی ءِ تہ ءَ 60 روچ ءِ تہ ءَ گڈی تپاکی ءِ سر ءَ روگ ءِ روڈ میپ ءِ سر ءَ تپاک کنگ، سیاسی نگرانی ءِ پھجارینگ ءِ واستہ مزن تک ءِ کمیشن ءِ جوڑ کنگ ءُ گیش تکنیکی گپ ءُ تران بندات کنگ ءِ پیسلہ ھوار اِنت۔ آئی ءَ گوشت کہ آ امریکہ ءُ ایران ءِ دوئیں ملک آنی سروکی ءَ را مذاکرات ءِ عمل ءِ تہ ءَ برجاھیں جوڑیشت ءِ ھوار بوھگ ءُ جزم ءِ سر ءَ یات ءُ داد پیش کنت ءُ درستیں برات ءُ دوستیں ملک آنی منت گپت کہ آھاں اے ھاسیں عمل ءَ را دیم ءَ برگ ءِ تہ ءَ بے دروریں کمک داتگ۔ مزن وزیر ءَ گوشت کہ اے درگت ءَ ھاسیں رنگ ءَ براتیں ملک قطر ءِ شگر ءُ منت گپت کہ آئی ءَ اے گپ ءُ تران آناں دیم ءَ برگ ءِ واستہ سازگاریں چاگرد ءِ جوڑ کنگ ءَ کلوہ ئیں کرد پیلو کتگ۔ مزن وزیر ءَ اے گپ ءُ تران ءِ میزبانی ءُ آسراتی ءِ واستہ سوئس حکومت ءِ ھم شگر ءُ منت گپت۔ مزن وزیر ءَ گوشت کہ فیلڈ مارشل عاصم منیر ءَ را ھاسیں شگر ءُ یات کناں، آئی ءِ بے مٹیں کوشست ءَ چہ اے گپ ءُ تران سوب مند بوت اَنت۔ آئی ءِ دلگوش، جزم ءُ استحکام ستا کرز انت ءُ آئی ءِ جہد ءُ کوشست ءِ ہست نہ بوہگ ءَ اے دیمروئی ممکن نہ بوتگ ات۔ مزن وزیر ءَ نائب مزن وزیر ءُ دری کارانی وزیر سینیٹر اسحاق ڈار ءُ درئی کارانی کارگس ءِ ٹیم ءِ توسیپ ءُ ستا کتگ۔ آئی ءَ تہی کارانی وزیر محسن نقوی ءِ محنت ءُ کرد ءِ ھم ساڑات، آئی ءَ اے گپ ءُ تران آنی سوبمندی ءِ واستہ مزنیں کردے پیلو کتگ۔ مزن وزیر ءَ وتی جزم ءِ یک رندے پدا گوشت کہ پاکستان پائیدار امن ءُ برجمیں گیواری ءِ ھاترا گپ ءُ تران ءُ سفارتکاری ءِ دیمروئی ءِ تہ ءَ وتی ایماندار ءُ ساپ ءُ سلہ ایں کرد ءَ را برجاہ دار ایت۔
