وفاقی بجٹ ءُ ٹیکس بل 2027 ءِ ھوالگ ءَ راجی اسمبلی ءِ مالیات ءُ آمدنی ءِ قائمہ کمیٹی ءِ سفارش ءُ تجویز آنی بنیاد ءَ رپورٹ ایوان ءَ پیش

اسلام آباد۔22جون  (اے پی پی): آیوکیں مالی سال ءِ واستہ وفاقی بجٹ ءُ ٹیکس بل 2027 ءِ سفارش ءُ تجویز آنی ھوالگ ءَ راجی اسمبلی ءِ مالیات ءُ آمدنی ءِ قائمہ کمیٹی ءِ رپوٹ ایوان ءَ پیش کنگ بوت۔ قومی اسمبلی ءِ دیوان ءَ کمیٹی ءِ چیئرمین صدیق نوید قمر ءَ کمیٹی ءِ رپوٹ ءَ ایوان ءَ پیش کنگ ءِ اجازت لوٹ اتگ۔ اجازت ءِ رسگ ءَ پد آئی ءَ رپورٹ ایوان ءَ پیش کتگ۔ صدیق نوید قمر ءَ گوشت کہ کمیٹی ءَ دراجیں مشورہ، سرجمیں ھیال ءُ لیکہ ءُ جتا جتائیں اسٹیک ہولڈر آنی گوما شور ءُ سلاھ ءَ پد فنانس بل ءِ ھوالگ ءَ وتی سفارش آناں گڈی رنگ داتگ۔ آئی ءَ دل یکیمی دات کہ اختلاف ءِ نوٹ جم کنوکیں باسک آنی نیمگ ءَ چست کتگیں نکات آنی سر ءَ بجٹ ءِ منظوری ءَ پد ھم چار ءُ تپاسی کنگ بیت۔ آئی ءَ حکومت ءِ کمک ءِ منت گپت ءُ گوشت کہ جتا جتائیں ھیال ءُ لیکہ داروکیں باسک آنی اختلاف ءِ نوٹ رپورٹ ءِ بھر جوڑ کنگ بوتگ انت تانکہ آیوکیں کانود سازی ءِ وھد ءَ درستیں نقطہ نظر آناں ھیال ءَ دارگ بہ بیت۔ سد نوید قمر ءَ کم بوتگیں دیوان آنی تہ ءَ اپوزیشن ءِ باسک آنی نہ بھر زوری ءِ سر ءَ اپسوز درشان کت ءُ گوشت کہ اگاں ایشاں بھر زرتیں گڈا رپورٹ گیش وسعت ءُ مھکم بوت کنت۔ آئی ءَ امیت سہرا کت کہ آیوکیں وھد ءَ ھاسیں اقتصادی کانود سازی ءِ ھوالگ ءَ برجم دارگ بوھوکیں دیوان آنی تہ ءَ سرجمیں ھاکمیں گل سرجمی ءَ بھر زوری کن اَنت تانکہ جتا جتائیں ھیال آناں پالیسی سازی ءِ تہ ءَ جوانیں جاگہ ​​رس ایت۔ آئی ءَ گوشت کہ کمیٹی ءِ رپورٹ ءِ تہ ءَ نزیک ءَ 17 ءَ چہ 18 تاکدیم ءِ تہ ءَ گاڑی، موبائل فون ءُ ایندگر صنعت آنی ھوالگ ءَ بازیں سفارش ھوار بوتگ اَنت کہ ایشی ءِ تہ ءَ حکومت ءِ پیش کرتگیں ٹیکس ءُ ڈیجیٹلائزیشن ءِ گامگیج آنی سر ءَ تحفظات ءِ درشانی کنگ بوتگ۔ شفافیت ءُ کارکردگی ءَ را گہتر کنگ ءِ ھاتر ءَ فاسٹ ٹریک کسٹم ءِ جائزہ ءُ دگہ آٹومیٹک سسٹم المی انت۔ بلے پاکستان ءَ را پائیدار ٹیکس سسٹم ءِ وسیلگ ءَ وتی ٹیکس ٹو جی ڈی پی ءِ تناسب ءَ را مزنیں کساسے ءَ گیش کنگ ءِ ضلورت اِنت تانکہ آئی ءَ را قرضہ ءُ بجٹ ءِ خسارہ ءِ سر ءَ انحصار ءَ را کم کنگ بہ بیت۔ آئی ءَ گوشت کہ حکومت بے مھتلیں وھد ءَ قرضہ ءُ خسارہ آنی سر ءَ چل ات نہ کنت۔ ریاستی ھرچ ءُ درچ ءِ بنیاد ءَ منصفانہ ءُ کارآمدیں رنگ ءَ ٹیکسانی سرا جم کنگ بہ بیت۔ چیئرمین کمیٹی ءَ اے گپ ءِ سر ءَ زور پر دات کہ ٹیکس گہتری  ءِ گوما ھما حفاظتی رھبند ھوار کنگ بہ بنت کہ ٹیکس ءِ واکدار آنی نیمگ ءَ چہ ممکنہ اختیارات ءِ ناجائز کارمرد کنگ ءَ را رکگ بہ بیت۔ جاری اصلاحات ءِ مول ءُ مراد صوابدیدی اختیارات ءَ را کم کنگ، شفافیت ءَ را گیش کنگ ءُ ٹیکس ءِ نظام ءَ را گیش شمولیت ءِ جوڑ کنگ اِنت۔ آئی ءَ ایف بی آر ءِ نیمگ ءَ ٹیکس دہندگانی بینک اکاؤنٹس ءَ را براہ راست رسائی دیگ ءِ پیش کرتگیں شق ءِ حوالہ دات کہ کمیٹی ءَ وتی اصل شکل ءَ رد کتگ۔ بلکیں اے سوج دیگ بوت کہ اگاں یک کیسے ءِ تہا بینکنگ ءِ زانتکاری ءِ ضلورت انت گڑا آ اسٹیٹ بینک آف پاکستان ءِ وسیلگ ءَ رسگ بہ بیت ءُ ایوک ءَ ٹیکس کوڈ ءِ بنیاد ءَ ، گوں جوانیں جواز ءَ رسگ بہ بیت۔ آئی ءَ گوشت کہ کمیٹی ٹیکس یکجا کنگ ءُ عمل درآمد ءَ را گہتر کنگ ءِ گامگیج آنی گوما شہری آنی بنیاتی ھک آنی رکھینگ ءَ را ھم یک پیم ءَ ارزشت دنت ۔ سید  نوید قمر ءَ گیش گوشت کہ وھد اتکگ کہ ٹیکس ءِ رکّینگ ءُ پیشگی ٹیکس آنی سر ءَ گیشیں انحصار ءَ را کم کم ءَ کم کنگ بہ بیت پرچا کہ ٹیکس آنی بار ایوک ءَ ھما مردمانی سر ءَ بہ بیت کہ آ اصل ءَ ٹیکس ءِ ادا کنگ ءِ ذمہ وار اَنت، ءُ نہ کہ صلاحیت ءِ بنیاد ءَ کمی ءِ وسیلگ ءَ عام شہری ءُ کاروباری کار آنی سر ءَ۔ آئی ءَ گوشت کہ کمیٹی ٹیکس ءِ نظام ءَ را گہتر جوڑ کنگ ءُ بجٹ ءِ سر ءَ پارلیمانی نگرانی ءَ را گیش موثر جوڑ کنگ ءِ واستہ وزارت خزانہ ءِ گوما کار کنگ ءَ برجاہ دار ایت۔ سدل نوید قمر ءَ دل یکیمی ءِ درشان کت کہ قائمہ کمیٹی ءَ پاکستان ءِ مالیاتی نظام ءِ گہتری ءِ واستہ جوانیں کرد پیلو کتگ ءُ وتی اے جزم ءِ پدا زور دات کہ آیوکیں وھد ءَ بجٹ جوڑ کنگ ءِ عمل ءَ الس ءِ رائے ءُ مفاد آناں ہوار کنگ ءِ کوشست برجاہ بیت۔