بلوچستان یونیورسٹی اسکینڈل حساس ءُ معاملہ سے زموار آتے ہچ ءُ حالیت اسے ٹی بشخپنہ ، دا ننا صوبہ نا معاملہ ءِ ، صوبائی وزیر داخلہ میر ضیاء لانگو

کوءٹہ ۔ 30 اکتوبر (اے پی پی) صوبائی وزیر داخلہ میر ضیاء لانگو پارے کہ بلوچستان یونیورسٹی اسکینڈل حساس ءُ معاملہ سے زموار آتے ہچ ءُ حالیت اسے ٹی بشخپنہ ، دا ننا صوبہ نا معاملہ ءِ ۔ صوبائی حکومت نا مسخت ڈوہدار ءِ ہلنگ و یونیورسٹی نا شرف ءِ بحال کننگ ناءِ ۔ صوبائی حکومت الس نا شونداری و شونہالی کن چندی ڈٹ آتیا کاریم کننگ ءِ محکمہ داخلہ ٹی پین گچینی اتنگ کن گچین گام گیج کننگ انگ ءِ ۔ علاقہ نا تعمیر و ترقی و الس نا آسودہی کن ہر وڑ کوشست کیوہ ۔ صوبائی وزیر داخلہ پارے کہ برانز کننگ الس نا جمہوری حق و جمہوریت آ نن باور کینہ ۔ ولے برانز نا آڑاٹی بے چیٹی تالان کننگپ ۔ مدام ملکی فائدہ ءِ دوست تخانن منفی پروپیگنڈاغاتیان الس ءِ ہشکا تننگ نا کوشست آک بے سہب مریرہ ۔ صوبائی وزیر پارے کہ الس نا پت ءِ وخت اس ہم ٹھیس تفنہ و اوفتا اومیت آتیا پورو سلنگ نا کوشست کننگ اُن غٹ علاقہ غاتے اسہ وڑ اٹ شونداری اسکیم تسونن ۔ نن السی خذمت آ باور کینہ و الس ءِ حکومت نا کنڈآن زیات آن زیات ریلیف فراوان نا کوشست کننگ اُن ، صوبائی حکومت الس نا راجی آسراتی و شونداری کن ہروخت کوشست کننگ ءِ صوبہ ٹی شونداری عمل بلاتعطل برجاسلک تانکہ علاقہ نا الس فراوان کروک دا شونداری ڈٹ آتیان پبی فائدہ دوئی مننگ کے ۔ صوبائی وزیر پارے کہ کبینی آن بھاز زوت الس ءِ ریلیف ملنگ بناکیک ۔ ساڑی حکومت الس نا گیشتر فائدہ غاتے ٹی کاریم کننگ ءِ ۔ صوبائی حکومت وزیراعلیٰ بلوچستان جام کمال خان نا کماشی ٹی اسہ ٹیم ورک اسے نا رداٹ صوبہ نا پسماندگی نا چٹفنگ کن دے و نن کوشست کننگ ءِ ۔