صدر ءِ مملکت ڈاکٹر عارف علوی ءِ پاکستان چائنہ ایگری کلچر فورم 2019ءِ بنگیجی دیوان ءَ گشتانک

اسلام آباد ۔ 30 اکتوبر (اے پی پی) صدر مملکت ڈاکٹر عارف علوی ءَ کشت ءُُ کشاری شوبگ ءَ آپ ءِ جوانیں ءُُ گہتریں کارمردی ءِ ضلورت ءِ سر ءَ زور دیان ءَ گوشت کہ پاکستان کشت ءُُ کشار ءِ پیداوار ءَ را گیشل کنگ ءُُ کشت ءُُ کشاری چیز آنی ویلیو ایڈیشن ءِ واستہ چین ءِ مہارت ءُُ تجربہ ءَ چہ سیت گپت کنت، پاکستان ءُُ چین ءِ یکوئی نمیران ءُُ سیت آں چہ بُرز تر اَنت، سی پیک پاکستان ءِ دیمروئی ءَ کلیدی کرد ءَ پیلو کنت انت ۔ آ چار شمبے ءَ پاکستان چائنہ ایگری کلچر فورم 2019ءِ بنگیجی مراگش ءَ گشتانک دیان ات ۔ اے موہ ءِ سر ءَ بنجاھی وزیر برائے راجی وردن ءُُ وراک ءِ رکھینت ءُُ پٹ ءُُ پول صاحبزادہ محمد محبوب سلطان، کشمیر کمیٹی ءِ چیئرمین سید فخر امام، پاکستان ءَ چین ءِ سفیر یاءو جنگ ، بنجاھی سیکرٹری برائے راجی وردن ءُُ وراک ءِ رکھینگ ءُُ پٹ ءُُ پول محمد ہاشم پوپلزئی ءُُ چائنہ مشینری اینڈ انجینئرنگ کارپوریشن ءِ چیئرمین ژانگ چن ءَ ھم گشتانک دات ۔ صدر ءِ مملکت ءَ گوشت کہ کشت ءُُ کشاری شوبگ ءِ ضلورت انت، مئے کرا کشت ءُُ کشاری ءِ واستہ آپ ءِ گہتریں کارمردی نہ بوھگ ءَ انت، اے ھوالگ ءَ استیں کار رپک ءَ را مٹ کنگ ءِ ضلورت انت تانکہ گہتریں انتظام ءِ وسیلگ ءَ کشت ءُُ کشار ءِ واستہ لوٹ بوتگیں آپ رس ات کنت ۔ پاکستان ءُُ چین ءِ سیادی کوھنین اَنت ءُُ سیت آں چہ بُرز تر اَنت، چین ءَ کشمیر ءَ ھوار توا میں پڑ ءَ مُدام پاکستان ءِ بُن گپ ءَ را مُدام من اتگ ۔ صدر ءِ مملکت ءَ گوشت کہ سی پیک یک ٹوھیں منصوبگ اِت، اے ھوالگ ءَ مئے دیم راست انت ءُُ اے منصوبگ پاکستان ءِ دیمروئی ءَ کلیتی کرد ءَ پیلو کنت ۔ آئی ءَ پاکستان چائنہ ایگری کلچر فورم ءِ چیر دستی ءَ ایشاناں ساڑات ءُُ گوشت کہ ایشی ءِ چیر دستی ءَ پاکستان ءُُ چین یک ءِ دومیگ ءِ گوما تجروبت آں چہ سیت چست کت کناں ، پاکستان کشت ءُُ کشاری ءِ شوبگ ءَ چین ءِ زانشت، تجروبت ءُُ ازمکاری آں چہ سیت چست کت کنت ۔ اے موہ ءِ سر ءَ پاکستان ءُُ چین ءِ نیام ءَ تپاک نامہ آنی سر ءَ دست چنگل جنگ بوت ۔ مراگش ءِ ساھت ءَ پاکستان چائنہ ایگری کلچرل فورم 2019ءِ بنگیج کنگ بوت ۔ گڈ ءَ صدر ءِ مملکت ءَ را یاتگیریں شیلڈ ھم پیش کنگ بوت ۔