وخت بسنے کہ دنیا کشمیری تے آجوئی ترفنگ کن کڑد ادا کے، غلام بی بی بھروانہ

اسلام آباد ۔ 30اکتوبر (اے پی پی) پاکستان تحریک انصاف نا باسک قومی اسمبلی غلام بی بی بھروانہ پارینے کہ کشمیریک دنیا غا پیدوار کرینو کہ او بھارت نا جارحیت آن پد ہم آجوئی نا موقف آ سلوک ءُ ۔ کشمیرنا آجوئی آن بیدس ہچ ءُ آپشن اسے امنا کپنہ ۔ جہانی برادری مقبوضہ کشمیر اٹی بھارت نا ظلم و انسانی حق انا خلاف ورزی تا برخلاف تینا کڑد ءِ اداکے ۔ داہیت ءِ او ’’اے پی پی‘‘ تون گپ وتران کرسا پارے ۔ اوپارے کہ داسہ وخت بسنے کہ دنیا کشمیری تے آجوئی ترفنگ کن کڑد ادا کے ۔ اوپارے کہ کشمیریک بھارت نا برخلاف جہد کرسا اسہ پوسکن ءُ تاریخ اس نوشتہ کرینو ۔ اسہ سوج اسے نا ورندی ٹی اوپارے کہ وزیراعظم عمران خان کشمیر نا معاملہ غا دنیا ءِ ہراوڑ معلومدار کننگ ءِ ، اونا گچین ءُ بھرم اس پیش تمک و انشاء اللہ کشمیر آزاد مریک ۔ و کشمیر جوڑ مریک پاکستان نا نعرہ ءِ حقی ءُ دروشم اس ملک ۔