مقبوضہ دامان ءِ جیل اٹ بدل کننگ آن پد مودی داسہ آزاد کشمیر نا شاری تیا گولہ باری کننگ ءِ، وزیراعظم آزاد کشمیر راجہ فاروق حیدر خان

اسلام آباد ۔ 30اکتوبر (اے پی پی) وزیراعظم آزاد کشمیر راجہ فاروق حیدر خان کنٹرول لین آ ہندوستانی فوج انا شاری آبادی آ سم کاری نا ترندی اٹ مذمت ءِ کرسا پارینے کہ ہندوستانی فوج انا سم کاری نا نشانہ زالبول و چناک ءُ، مقبوضہ دامان ءِ جیل اٹ بدل کننگ آن پد مودی داسہ آزاد کشمیر نا شاری تیا گولہ باری کننگ ءِ، ہندوستانی فوج انا دوک کودک شاری تا دتر اٹ رنگی ءُ ۔ داخیال آتا درشانی ءِ او چارشنبے نادے آ تینا اسہ مذمتی بیان اسے ٹی کرے ۔ اوپارے کہ مقبوضہ دامان ءِ جیل اٹ بدل کننگ آن پد مودی داسہ آزاد کشمیر نا شاری تیا گولہ باری کننگ ءِ ۔ وزیراعظم آزاد کشمیر پارے کہ ہندوستانی فوج انا دوک کودک شاری تا دتر اٹ رنگی ءُ ۔ کنٹرول لین آ شاری آبادی ءِ رزاک اٹ شست کننگ دہشت گردی اسے ۔ اوپارے کہ بے خار سم کاری نا مسخت آبادی ءِ رزاک اٹ فریشان کننگ نا ءِ ۔