ملک اٹی اسہ وڑ و آب اٹ تعلیم نا مون آ دننگ عمران خان نا مشن ءِ، ڈاکٹر فردوس عاشق اعوان

اسلام آباد ۔ 30 اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ملک اٹی اسہ وڑ و آب اٹ تعلیم نا مون آدننگ عمران خان نا مشن ءِ ، نیزگار و محروم تا حق انا ضامن احساس پروگرام نا رداٹ اہل و حقدار طالب علم آتے 50 ہزار اسکالر شپ تننگک ۔ چارشنبے نادے آ تینا ٹویٹ اٹی اوپارے کہ دا وظیفہ غاتے ہمو خاہوت آتا طالب علم آتے ٹی بشخنگک ہرافتا کٹیا 45000روپئی آن کم ءِ ۔ اوپارے کہ کم کٹیا کروک بندغ آتا راجی آسراتی نا پروگرام نا رداٹ 50 درسد کوٹہ زالبول وخت اس کہ اِرادرسد کوٹہ معذور طالب علم کن جتا مریک ۔ داوظیفہ غاتے ٹی کتاب آتا فراوانی ، ٹرانسپورٹ، ہنکین و ایلو گرج آک اوار مریرہ ۔ اوپارے کہ دانا اطلاق کم و ود 152غٹ سرکاری یونیورسٹی تیا مریک ۔