پاک بحریہ ہروڑنا جارحیت نا پبی ورندی ءِ تننگ کن ہروخت تیار ءِ، پاک بحریہ نا سروک ایڈمرل ظفر محمود عباسی نا کمانڈ اینڈ اسٹاف کانفرنس آن تران

اسلام آباد ۔ 30 اکتوبر (اے پی پی) امیر البحر ایڈمرل ظفرمحمود عباسی پارینے کہ پاک بحریہ ہروڑنا جارحیت نا پبی ورندی ءِ تننگ کن ہر وخت تیار ءِ ۔ او چارشنبے نادے آ نیول ہیڈ کوارٹرز اسلام آباد اٹی اڈ ہلوک پاک بحریہ نا کمانڈ اینڈ اسٹاف کانفرنس آن تران کریکہ ۔ ترجمان پاک بحریہ نا رداٹ کانفرنس نا کماشی ءِ پاک بحریہ نا سروک ایڈمرل ظفر محمود عباسی کرے ۔ کانفرنس اٹی ڈیہہ نا سیکورٹی حالیت، پاک بحریہ نا آپریشنل تیاری، شونداری ڈٹ و ورناتا تربیتی و آسودہی معاملہ غاتیا جاچ ءِ ہلنگا ۔ امیر البحر ءِ پاک بحریہ نا برجا و آخبت نا ڈٹ آتیا حوال تننگا ۔ نیول چیف نا پاک بحریہ نا آپریشنل تیاری تیا پورو است جمی نا درشانی ءِ کرے ۔ کمانڈ اینڈ اسٹاف کانفرنس اٹی کشمیری تا جہد آجوئی نا مخ تفی نا درشانی ءِ کننگا ۔