اسلام آباد ۔ 30اکتوبر (اے پی پی) پاکستان و کیوبا نا نیام اٹ سرکاری و سفارتی پاسپورٹ آ ویزہ نا شڑت ءِ جزوی وڑاٹ چٹفنگ نا بابت معاہدہ طے مس ۔ چارشنبے نادے آ داڑے وزارت خارجہ ٹی کیوبن نائب صدر رابرٹو مورالزاوجیدا و وزیر خارجہ مخدوم شاہ محمود قریشی نا ساڑی گری ٹی پاکستان نا کنڈآن سیکرٹری داخلہ میجر(ر) اعظم سلیمان وخت اس کہ کیوبا نا کنڈآن پاکستان اٹی …
پاکستان و کیوبا نا نیام اٹ سرکاری و سفارتی پاسپورٹ آ ویزہ نا شڑت ءِ جزوی وڑاٹ چٹفنگ نا بابت معاہدہ طے مس
گیشتریں ھال
اسلام آباد ۔ 30اکتوبر (اے پی پی) پاکستان و کیوبا نا نیام اٹ سرکاری و سفارتی پاسپورٹ آ ویزہ نا شڑت ءِ جزوی وڑاٹ چٹفنگ نا بابت معاہدہ طے مس ۔ چارشنبے نادے آ داڑے وزارت خارجہ ٹی کیوبن نائب صدر رابرٹو مورالزاوجیدا و وزیر خارجہ مخدوم شاہ محمود قریشی نا ساڑی گری ٹی پاکستان نا کنڈآن سیکرٹری داخلہ میجر(ر) اعظم سلیمان وخت اس کہ کیوبا نا کنڈآن پاکستان اٹی تعینات کیوبن سفیر گیبریل کاپوتے معاہدہ غا دستخط کریر ۔ معاہدہ نا اطلاق سرکاری پاسپورٹ تخوک بندغ و سفارتی منصب تخوک آ بندغ آتیا مریک ۔ معاہدہ نا رداٹ ہڑتوم آ ملک آتا سفارتی ، خصوصی یا سرکاری پاسپورٹ تخوک آ بندغ آتے اسہ ایلو نا ملک اٹی داخلہ کن ویزہ نا ضرورت مفک ۔ وزیر خارجہ پارے کہ دا معاہدہ غان پاکستان و کیوبا نا نیام اٹ ہڑتوم آ کنڈآتا تعلقداری ءِ وسعت ملک و ہڑتوم آ ملک آتا نیام اٹ واپاری ، دودوربیدہ و سفارتی تعلقداریک پین سوگو مریرہ ۔
